Գլենն Սիբորգ

Վիքիպեդիայից՝ ազատ հանրագիտարանից
Գլենն Սիբորգ
Glenn Theodore Seaborg
Glenn Seaborg - 1964.jpg
քիմիկոս, ֆիզիկոս
Ծնվել է ապրիլի 19 1912
Ծննդավայր Իշպեմինք, Միչիգան
ԱՄՆ ԱՄՆ
Մահացել է փետրվարի 25 1999
Մահվան վայր Լաֆայեթ, Կալիֆորնիա
ԱՄՆ ԱՄՆ

Գլենն Թեոդոր Սիբորգ (անգլ.՝ Glenn Theodore Seaborg) (ապրիլի 19, 1912 - փետրվարի 25, 1999), ամերիկացի ֆիզիկոս։ Ավարտել է Լոս Անջելեսի համալսարանը (1934)։ Աշխատել է Կալիֆոռնիայի համալսարանում (1945 թվականից՝ պրոֆեսոր, 1958–1961 թվականին՝ համալսարանի պրեզիդենտ)։ 1942–1946 թվականին Չիկագոյի մետալուրգիական լաբորատորիայում զբաղվել է պլուտոնիումի արդյունաբերության ստացման պրոբլեմով։ 1954–1961 թվականին և 1971 թվականից՝ Բերկլիի ճառագայթային լաբորատորիայի երկրորդ դիրեկտոր։ 1961–1971 թվականին՝ ԱՄՆ միջուկային էներգիայի հանձնաժողովի նախագահ։ Մի խումբ գիտնականների հետ սինթեզել է պլուտոնիումը (1940–1941), հայտնագործել ամերիկիումը, կյուրիումը (1944), բերկլիումը (1949), կալիֆոռնիումը (1950), էյնշտեյնիումը (1952), ֆերմիումը (1953), մենդելեևիումը (1955)։ Հետագա տարիներին մասնակցել է ավելի ծանր տարրերի սինթեզման աշխատանքներին։ ԽՍՀՄ ԳԱ արտասահմանյան անդամ (1971 թվականից)։ 1951 թվականին ստացել է Նոբելյան մրցանակ ամերիկացի ֆիզիկոս Էդվին Մակմիլանի (McMillan, ծն․1907) հետ։

Արտաքին հղումներ[խմբագրել]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png