Գլաուկոնիտ, գլավկոնիա (հունարեն՝ γλαυχός — բաց երկնագույն), միներալ, երկաթի ջրային ալյումինասիլիկատ հիդրոփայլարների խմբից։ Պարունակում է մինչև 21% երկաթի օքսիդ և ենթօքսիդ։ Բյուրեղագիտական համակարգը մոնոկլինային է։ Տարածված է գլխավորապես մեզոզոյան և կայնոզոյան հասակի նստվածքային ապարներում՝ կլորավուն հատիկների ձնով։ Կիրառվում է ջրի կոշտության նվազեցման, կանաչ ներկ ստանալու համար, նաև որպես կալիումական պարարտանյութ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 93)։
