Գիշերվա ժամը մեկին

Գիշերվա ժամը մեկին One A.M.
Ժանր	կատակերգություն
Երկիր	ԱՄՆ
Թվական	1916
Պրեմիերա	1916, օգոստոսի 7
Լեզու	տիտրերն անգլերեն
Ռեժիսոր	Չարլի Չապլին
Պրոդյուսեր	Չարլի Չապլին, Հենրի Փ. Քոլֆիլդ
Սցենարիստ(ներ)	Չարլի Չապլին, Վինսենթ Բրայան, Մավերիք Թերելլ
Դերակատարներ	Չարլի Չապլին, Ալբերթ Օսթին
Օպերատոր	Ռոլանդ Թոթերո, Ուիլյամ Ս. Ֆոսթեր
Երաժշտություն	Մայքլ Մորթիլլա
Մոնտաժ	Չարլի Չապլին
Ընկերություն	Mutual Film Corporation
Տևողություն	20 րոպե
IMDb	ID 0007145
description

Գիշերվա ժամը մեկին (անգլ.՝ One A.M., ուրիշ անվանումը՝ Solo), Չարլի Չապլինի դասական կատակերգական համր ֆիլմ, նկարահանված 1916 թվականին: Ֆիլմի առաջին պրեմիերան, տեղի է ունեցել 1916 թվակաի օգոստոսի 7-ին, ԱՄՆ-ում: Նկարահանված է՝ Mutual Film Corporation կինոըկերությունում: Ֆիլմում բացի ինքնուրույն Չապլինից, համարյա չի հայտնվում է ոչ մի դերասան: Ֆիլմը ցուցադրում է Չապլինի տեխնիկական և դերասանական բարձր վարպետությունը:

Սյուժե

Գլխավոր հերոսը՝ մի հարուստ ջենթելմեն է, որը հարբած վերադառնում է իր շքեղ տուն: Նա երկար ժամանակ, տանջվելով ու չարչարվելով, փորձում է առաջին հարկի սենյակներից, տեղափոխվել երկրորդ հարկի, իր ննջասենյակը: Իր ճանապարհին ամեն մի հանդիպած իրեր, առարկաներ, դառնում են նրա համար փորձություններ, որոնց պաճտառով նա չի կարողանում առաջ շարժվել: Դրանք են՝ պտտվող սեղանը, գորգը, արջի և աղվեսի կմախքները, վագրի մորթին, ժամացույցի մեծ ճոճանակը և այլն... Կահույքը ծուղակներ է առաջացնում հերոսի համար, որոնք նա հաղթահարում է մի քանի հնարքներով: Ամեն մի բարդ իրավիճակի ժամանակ, հերոսը աշխատում է չկորցնել ազնվական պահելաձևը: Հետո նա ոչ մի կերպ, չի կարողանում հարմարվել թռչկոտող մահճակալին, որի զսպանակները փչանում են: Արդյունքում նա իր տեղն է գտնում լողասենյակում, որտեղ և պառկում է քնելու:

Դերակատարներ

• Չարլի Չապլին — հարփած ջենթելմեն
• Ալբերտ Օսթին — տաքսիստ

Հետաքրքիր փաստեր

• Միակ դերասանը, որը հայտնվում է ֆիլմում բացի Չապլինից, դա Ալբերթ Օսթինն է, որը հանդես է գալիս, հերոսին տուն բերող տաքսիստի դերում:

Արտաքին հղումներ

• «Գիշերվա ժամը մեկին»(անգ.) ֆիլմը Internet Movie Database կայքում:
• «Գիշերվա ժամը մեկին»(անգ.) ֆիլմը «AllRovi» կայքում:
• «Գիշերվա ժամը մեկին»(ռուս.) ֆիլմը «KinoPoisk» կայքում: