Գիշերը հեծանիվով
«Գիշերը հեծանիվով» (անգլ.՝ Night Biking), հեծանվային միջոցառումների շարք, որի նպատակը, Հայաստանում առողջ ապրելակերպի քարոզչությունն ու «հեծանվային մշակույթի» արմատավորումն է։ Նախաձեռնության կազմակերպիչներից Վահե Հովհաննիսյանի խոսքերով՝ իրենց նպատակն է հասնել նրան, որ հեծանիվը դիտվի իբրև առօրյա փոխադրամիջոց, մյուս փոխադրամիջոցների հետ հավասար[1]։
Պատմություն[խմբագրել | խմբագրել կոդը]
2012 թ. հունիս–սեպտեմբեր ամիսների ընթացքում այս խորագրի ներքո անցկացվեց 7 միջոցառում, որոնց ընթացքում մասնակիցների թիվը շուրջ մեկ տասնյակից հասավ ավելի քան 150 հոգու։
Միջոցառումների ժամանակ հեծավորդներն իրենց հեծանվավազքը սկսում էին Կասկադ համալիրից և լուսաբացը դիմավորում Երևանի որևէ բարձրադիր վայրում (Հաղթանակի մոնումենտ, Ծիծեռնակաբերդ և այլն)։
2012 թ. վեջին՝ յոթերորդ միջոցառումը, որին մասնակցում էր ավելի քան 150 հեծանվորդ, տեղի ունեցավ սեպտեմբերի 15-16-ի գիշերը։ Վերջին «Գիշերը հեծանիվով»–ի մասնակիցներն արևածագը դիմավորեցին Էրեբունի ամրոցի մոտ լեռնային հեծանվավազքով (mountain biking) և յոգայով։
«Գիշերը հեծանիվով» նախաձեռնության կազմակերպիչն է հայկական Իվենթոտ նախագիծը[2][3][4]։
2013 թ. առաջին և ընդհանուր թվով 8-րդ «հեծանվային գիշերը» անցկացվեց մայիսի 18-19-ի գիշերը։ Այս անգամ միջոցառմանը մասնակցեցին մոտ 250 հեծանվորդներ։
2014 թ. մայիսի 24–ին տեղի ունեցավ հոբելյանական 10-րդ «Գիշերը հեծանիվով»-ը։ Հարյուրավոր երիտասարդներ իրենց սեփական կամ հատուկ այդ օրվա համար վարձած հեծանիվներով գիշերվա կեսին Ազատության հրապարակից շարժվեցին դեպի «Հաղթանակ» զբոսայգի, որտեղ էլ դիմավորեցին արևածագը[5]։
Ծանոթագրություններ[խմբագրել | խմբագրել կոդը]
- ↑ «очной парад на велосипедах». imYerevan». Արխիվացված է օրիգինալից 2013 թ․ սեպտեմբերի 18-ին. Վերցված է 2013 թ․ մայիսի 20-ին.
- ↑ «Գիշերը հեծանիվով 7». Իվենթոտ. Արխիվացված է օրիգինալից 2012 թ․ նոյեմբերի 4-ին. Վերցված է 2012 թ․ սեպտեմբերի 28-ին.
- ↑ «Իմ նժույգն իմ հեծանիվն է (աուդիո)». Հայաստանի Հանրային Ռադիո. «ԼյունՍե» հաղորդաշար. 18/09/2012. Արխիվացված է օրիգինալից 2012 թ․ սեպտեմբերի 20-ին. Վերցված է 2012 թ․ սեպտեմբերի 28-ին.
- ↑ «7-րդ հեծանվային գիշերն ու արևածագը միջնաբերդից (տեսանյութ)». «Ազատություն» ռադիոկայան. 17.09.2012.
- ↑ ««Գիշերը հեծանիվով» (ֆոտոռեպորտաժ)». Հետք.
Արտաքին հղումներ[խմբագրել | խմբագրել կոդը]
- 7-րդ հեծանվային գիշերն ու արևածագը միջնաբերդից «Ազատություն» ռադիոկայանի նկարահանած տեսանյութը «Գիշերը հեծանիվով 7»–ի մասին
- Գիշերը հեծանիվով HotTV-ի նկարահանած վերջին արշավի տեսանյութը