Գեորգիևսկ

Քաղաք Գեորգիևսկ Георгиевск Դրոշ Զինանշան 44.15, 43.46666744°09′00″ հս. լ. 43°28′00″ ավ. ե.44.15° հս. լ. 43.466667° աե. ե. Երկիր ՌուսաստանՌուսաստան Երկրամաս Ստավրոպոլի երկրամասՍտավրոպոլի երկրամաս|Ստավրոպոլի Շրջան Գեորգիևսկի շրջան Հիմնադրված է 1777 Տվյալ կարգավիճակում 1786-ից Խոսվող լեզուներ Ռուսերեն Բնակչություն 71,913 հզ. մարդ (2010) Ազգային կազմ Ռուսներ - 69,1 %, Հայեր - 24,8 %, այլ - 2,5 % Ժամային գոտի UTCUTC+3, ամռանը‘ UTC+4 Հեռախոսային կոդ (+7) 87951 Փոստային ինդեքս 357820 Ավտոմոբիլային կոդ 26 Պաշտոնական կայք www.georgievsk.ru Նյութեր Վիքիպահեստում

Գեորգիևսկ (ռուս.՝ Георгиевск), քաղաք Ռուսաստանի Ստավրոպոլի երկրամասում 72,000 բնակչությամբ:

Պատմություն

Քաղաքը հիմնվել է 1777 թվականին որպես Գեորգիևյան բերդ:

1783-ին այստեղ Ռուսաստանի և Վրաստանի միջև կնքվել է Գեոևգիևսկի պայմանագիրը , ըստ որի վրաց Իռակլի II-ը ընդունեց Ռուսաստանի հովանավորությունը:

1786-ին Գեորգիևսկը ստացավ քաղաքի կարգավիճակ: XIX դարի վերջում քաղաքում առաջանում են տոնավաճարներ:

1920-ական թվականներին քաղաքը դառնում է Հյուսիսային Կովկասի խոշոր արդյունաբերական և առևտրական կենտրոններից մեկը, կառուցվում են մի շարք արդյունաբերական ձեռնարկություններ:

1942 թ. օգոստոսի 9-ից մինչ 1943թ. հունվարի 10-ը գտնվում է գերմանական օկկուպացիայի մեջ:

1960-70-ականներին Ստավրոպոլի երկրամասի խոշորագույն մեքենաշինական կենտրոնն է:

Քաղաքը տարբեր ժամանակահատվածներում հաճախել են Ալեքսանդր Պուշկինը, Միխաիլ Լերմոնտովը, Լև Տոլստոյը, Մակսիմ Գորկին, Պյոտր Բագրատիոնը, Նիկոլայ Ռաևսկին, Ալեքսեյ Երմոլովը, Ալեքսանդր Սոլժենիցինը:

Գեորգիևսկում այժմ գործում են‘ 8 միջնակարգ և 1 գիծերօթիկ դպրոցներ, գիմնազիա, 5 միջին մասնագիտական ուսումնական հաստատություն, ԲՈՒՀ-երի 15 մասնաճյուղ (ավելի քան 10,000 ուսանող), Մշակույթի տուն, Ժողովրդական թատրոն, թանգարան, 2 զբոսայգի, 2 կինոթատրոն (Ավրորա, Բերյոզկա), 2 ՈՒւղղափառ և 2 Հայ Առաքելական Եկեղեցիներ, 3 շուկա. Տպագրվում է 4 ռուսալեզու և 1 հայալեզու թերթեր:

Արդյունաբերություն

Քաղաքի Սուրբ Գևորգ հայկական եկեղեցին

Քաղաքում գործում են հետևյալ ձեռնարկությունները‘

• Գործարաններ - կաշվի, մեխի, շինարարական քարի, ասֆալտի, հատուկ գործիքների, կաթի, գինու, գարեջրի, սպիրտի, պահածոների, մորթիների, ալյուրաղած
• Ֆաբրիկաներ - կարի, կոշիկի, Heinz (մանկական սնունդ)
• Կոմբինատներ - թռչնաբուծական, մսի

Տրանսպորտ

Մոտակա միջազգային օդանավակայանը գտնվում է 27 կիլոմետր հեռավորության վրա, Մինվոդի քաղաքում: Ավտոկայարանից ավտոբուսներով և երթուղային տաքսիներով կարելի է մեկնել Պյատիգորսկ (օրական 80 ավտոբուսային և 150 երթ.տաքսիների ռեյս, ուղեվարձը‘ 40-50 ռուբլի), Մինվոդի (15 ռեյս 40 ռուբլի ուղեվարձով), Բուդյոնովսկ (15 ռեյս) և մոտակա այլ քաղաքներ: Երկափուղային կայարանը աշխատում է շուրջօրյա: Գնացքներով կապվաշ է Մինվոդի (օրական 7 գնացք), Բուդյոնովսկ (օրական 2) և Պռոխլադնի (օրական 5) քաղաքների հետ: Քաղաքային տրանսպրտը ներկայացնում են երթուղային տաքսիները: Աշխատւմ են ժամը 5:30 մինչ 23:00: Քաղաքի սահմաններում ուղեվարձը կազմում է 9 ռուբլի:

Ազգային պատկանելիություն

• Ռուսներ - 69,1%
• Հայեր - 24,8%
• Ուկրաինացիներ - 1,4%
• Կորեացիներ - 0,7%
• Հրեաներ - 0,4%

Գրականություն

• Георгиевск и Георгиевский район. Путеводитель. «Картинформ, 2004».
• Георгиевск, географо-краеведческое описание города. Елисеев А. В. Георгиевск, 2005

Արտաքին հղումներ

• Գեորգիևսկի պաշտոնական կայքը