Գենարիոս Ղորղանյան

Գենարիոս Ղորղանյան
Ծնվել է	ապրիլի 30 (մայիսի 12), 1858; Ղվարել, Թելավի գավառ, Թիֆլիսի նահանգ, Կովկասի փոխարքայություն, Ռուսական կայսրություն
Երկիր	Ռուսական կայսրություն
Մահացել է	փետրվարի 23 (մարտի 7), 1890 (31 տարեկան); Դոնի Ռոստով, Դոնի զորքի մարզ, Ռուսական կայսրություն
Գերեզման	Խոջիվանք
Մասնագիտություն	կոմպոզիտոր, դաշնակահար և երաժշտության ուսուցիչ
Գործիքներ	դաշնամուր
Կրթություն	Լայպցիգի երաժշտության և թատրոնի բարձրագույն դպրոց (1876) և Սանկտ Պետերբուրգի կոնսերվատորիա (1878)

Գենարիոս Հովսեփի Ղորղանյան (Գենարի Կորգանով, ապրիլի 30 (մայիսի 12), 1858^[1], Ղվարել, Թելավի գավառ, Թիֆլիսի նահանգ, Կովկասի փոխարքայություն, Ռուսական կայսրություն^[1] - փետրվարի 23 (մարտի 7), 1890^[1], Դոնի Ռոստով, Դոնի զորքի մարզ, Ռուսական կայսրություն^[1]), հայ կոմպոզիտոր, դաշնակահար, մանկավարժ։ Ղորղանյանների տոհմից։

Երգիչներ Հովհաննես Ղորղանյանի և Կոնստանտին Ղորղանյանի, երգչուհիներ Հեղինե, Մարիամ և Նինա Ղորղանյանների եղբայրը^[2]։

Կենսագրություն[խմբագրել | խմբագրել կոդը]

Գենարիոս Ղորղանյանը ծնվել է Վրաստանի Ղվարելի Կախեթիայում։ Թիֆլիսում աշակերտել է Էդուարդ Էպշտեյնին։ 1874-1876 թվականներին սովորել է Լայպցիգի (դաշնամուր, դասատու՝ Է. Ռայնեկե), 1877-1878 թվականներին՝ Սանկտ Պետերբուրգի (դաշնամուր, դասատու՝ Լուի Բրասեն) կոնսերվատորիաներում։ 1879 թվականից ապրել և ստեղծագործել է Թիֆլիսում։ 1889 թվականին Պյոտր Չայկովսկու խորհրդով կոմպոզիցիայի դասեր է առել Ալեքսանդր Տանեևից։

Գրել է ռոմանսներ Պուշկինի, Ա. Տոլստոյի, Ապոլոն Մայկովի, Ֆետի բանաստեղծությունների տեքստերով, դաշնամուրային երկեր, որոնց մի մասում («Բայաթի», «Նոր բայաթի», «Հայկական ռապսոդիա», «Կովկասյան ռապսոդիա») օգտագործել է հայկական ժողովրդական երգեր ու պարեղանակներ։ Կատարել է աշուղական («Պաղ աղբյուրի մոտ»), ժողովրդական («Սիրուհիս») երգերի մշակումներ։ Լինելով հայ կոմպոզիտորական դպրոցի առաջին ներկայացուցիչներից՝ Ղորղանյանը նպաստել է հայկական պրոֆեսիոնալ երաժշտական ձևերի զարգացմանը։

Ղորղանյանի դաշնամուրային էտյուդները տեղ են գտել Լայպցիգի կոնսերվատորիայի ուսումնական երգացանկում։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ «AV Production - Գենարիոս Ղորղանյան». avproduction.am. Արխիվացված է օրիգինալից 2021 թ․ հունվարի 31-ին. Վերցված է 2019 թ․ ապրիլի 30-ին.

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 40)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] «AV Production - Գենարիոս Ղորղանյան». avproduction.am. Արխիվացված է օրիգինալից 2021 թ․ հունվարի 31-ին. Վերցված է 2019 թ․ ապրիլի 30-ին.

[1]

[2]