Գայլի ժամը
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 շվեդ.՝ Vargtimmen | |
|---|---|
 | |
| Երկիր |  Շվեդիա |
| Ժանր | սարսափ ֆիլմ և դրամա |
| Թվական | 1968, փետրվարի 19, 1968[1], փետրվարի 29, 1968[1], մարտի 1, 1968[1] և ապրիլի 9, 1968[1] |
| Լեզու | շվեդերեն |
| Ռեժիսոր | Ինգմար Բերգման |
| Սցենարի հեղինակ | Ինգմար Բերգման |
| Դերակատարներ | Մաքս ֆոն Սյուդով, Լիվ Ուլման, Գերտրուդ Ֆրիդ, Գեորգ Ռուդեբերգ, Էրլանդ Յուզեֆսոն, Ինգրիդ Թյուլին, Ալան Էդվալ, Նայմա Վիֆսթրանդ, Ֆոլկե Սունդկվիստ, Լեն Հյորցբերգ[2], Միքայել Ռունդքվիստ[2] և Մոնա Սեյլից[2] |
| Օպերատոր | Սվեն Նյուկվիստ |
| Երաժշտություն | Յոհան Սեբաստիան Բախ |
| Կինոընկերություն | SF Studios |
| Տևողություն | 87 րոպե |
«Գայլի ժամը» (շվեդ.՝ Vargtimmen), շվեդական գեղարվեստական ֆիլմ, նկարահանված հայտնի շվեդ ռեժիսոր Ինգմար Բերգմանի կողմից, 1968 թվականին։ Սա Բերգմանի միակ ֆիլմն է, որն իր մեջ պարունակում է հոգեբանական սարսափի կամ հորորի ժանրերը։ Ֆիլմի պրեմիերան տեղի է ունեցել 1968 թվականի փետրվարի 19-ին, Շվեդիայում։
Սյուժե[խմբագրել | խմբագրել կոդը]
Ռեժիսորի ձեռքում, հայտնվում է հանգուցյալ նկարիչ՝ Յուհան Բորգի օրագիրը, որի բովանդակությունը և հիմք է դառնում, այս պատմության համար։ Պատմությունը պատմում է Յուհանի կինը՝ Ալմա Բորգը։ Ներկայացված է նկարչի և իր կնոջ կյանքն ու ապրելակերպը, մի ծովափնյա գյուղում, որտեղ նրանք տեղափոխվում են։ Սկզբում ամեն ինչ լավ էր, սակայն հետագայում, Յուհանի պահվածքում տարօրինակություններ են նկատվում։ Նա սկսում է տառապել անքնությամբ, պահերով զգում է, որ հիվանդ է, կոպիտ է պահում իրեն, երբեմն ինչ որ չար տեսիլքներ է տեսնում և այլն... Յուհանը չարչարվում է ոմն չարքերից, բայց ավելի շատ այն ժամանակահատվածից, որը կոչվում է «գայլի ժամ»։ Դա ժամը երեքից-չորսն ընկած ժամանակահատվածն է, երբ ոտքի են կանգնում աշխարհի բոլոր չար ուժերը։ Դա այն ժամն է, երբ մարդը մտքերում արդյունքներ կայացնելից, կարող է նույնիսկ խելագարվել, ինչը և լինում է նկարիչ Բորգի հետ։ Այդ ամենը նա նկարագրում է իր օրագրի մեջ, որը թաքուն ընթերցում է իր կինը՝ Ալման։ Վերջինս շատ է անհանգստանում ամուսնու հոգեբանական ծանր ապրումների համար և ցանկանում է ամեն ինչով օգնել Յուհանին, բայց ապարդյուն։ Ամենացավալի փաստ այն է, որ այդ բոլոր խորհրդավոր բաները, կատարվում են Ալմայի հղիության ընթացքում։ Ամեն ինչի հետ մեկ տեղ, ծավալվում է նաև ստորացումների պատմությունը, որոնք նկարիչը կրում է՝ մեծ հասարակության կողմից, շփում բացելով հարուստ անձերի հետ։ Ներկայացված են տղամարդու և կնոջ սիրային հարաբերությունները, նրանց բաժանումը, երիտասարդությունն ու ծերությունը։
Ֆիլմի ստեղծողներ[խմբագրել | խմբագրել կոդը]
Նկարահանող անձնակազմ[խմբագրել | խմբագրել կոդը]
- ռեժիսոր - Ինգմար Բերգման
- պրոդյուսեր - Լարս-Ուվե Քարլբերգ
- սցենարիստ - Ինգմար Բերգման
- օպերատոր - Սվեն Նյուքվիսթ
- երաժշտություն - Լարս Յոհան Վերլե
- մոնտաժ - Ուլլա Ռիգե
Դերակատարներ[խմբագրել | խմբագրել կոդը]
| Դերակատար | Դեր |
|---|---|
| Մաքս ֆոն Սյուդով | Յուհան Բորգ |
| Լիվ Ուլման | Ալմա Բորգ |
| Ինգրիդ Թուլին | Վերոնիկա Ֆոգլեր |
| Հերտրուդ Ֆրիդ | Կորինն ֆոն Մերկենս |
| Գեորգ Րյուդեբերգ | արխիվիստ Լինդհորդս |
| Էրլանդ Յուզեֆսոն | բարոն ֆոն Մերկենս |
| Նայմա Վիֆսթրանդ | ծեր կին մեծ գլխարկով |
| Ուլֆ Յոհանսսոն | թերապեվտ Հեերբրանդ |
| Հուդրոն Բրոսթ | Գամլա ֆոն Մերկենս |
| Բերթիլ Անդենբերգ | Էռնստ ֆոն Մերկենս |
Մրցանակներ[խմբագրել | խմբագրել կոդը]
«Գայլի ժամը» ֆիլմն արժանացել է երկու մրցանակի.
- 1969 թվական - ԱՄՆ-ի քննադատների ազգային հասարակության մրցանակ
- լավագույն ռեժիսոր - Ինգմար Բերգման (նաև «Ամոթ» ֆիլմի համար)
- 1969 թվական - ԱՄՆ-ի քննադատների ազգային խորհրդի մրցանակ (National Board of Review)
- լավագույն դերասանուհի - Լիվ Ուլման (նաև «Ամոթ» ֆիլմի համար)
Պրեմիերան տարբեր երկրներում[խմբագրել | խմբագրել կոդը]
«Գայլի ժամը» ֆիլմի առաջին պրեմիերան, տեղի է ունեցել 1968 թվականի փետրվարի 19-ին, Շվեդիայում։
Շվեդիա, 1968 թվական, փետրվարի 19
Դանիա, 1968 թ. փետրվարի 29
Գերմանիա, 1968 թ. մարտի 1
Ֆինլանդիա, 1968 թ. մարտի 29
ԱՄՆ, 1968 թ. ապրիլի 9
Պորտուգալիա, 1974 թ. հուլիսի 27
Անվանումը այլ լեզուներով[խմբագրել | խմբագրել կոդը]
- Շվեդերեն - Vargtimmen
- Անգլերեն - Hour of the Wolf
- Գերմաներեն - Die Stunde des Wolfs
- Իսպաներեն - La hora del lobo
- Ֆրանսերեն - L'Heure du loup
- Իտալերեն - L'ora del lupo
- Նիդերլանդերեն - Het uur van de wolf
- Ռուսերեն - Час волка
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Գայլի ժամը»(անգլ.) ֆիլմը Internet Movie Database կայքում
- «Գայլի ժամը»(անգլ.) ֆիլմը «AllRovi» կայքում:
- «Գայլի ժամը»(ռուս.) ֆիլմը ԿինոՊոիսկ կայքում։
| ||||||||||||||||||||
| ||||||
