Գայանե Գրիգորյան

Վիքիպեդիայից՝ ազատ հանրագիտարանից

Գայանե Էդուարդի Գրիգորյան- Լեռնային Ղարաբաղի Հանրապետության (Արցախի Հանրապետություն) մշակույթի և երիտասարդության հարցերի նախարարի տեղակալ

Կենսագրությունը[խմբագրել]

Ծնվել է 1971 թ. փետրվարի 20-ին ք. Ստեփանակերտում։ 1978-1988 թթ. սովորել է թիվ 10 միջնակարգ դպրոցում։ 1986 թ. ավարտել է Ստեփանակերտի Մշակույթի տանը գործող երաժշտական դպրոցի դաշնամուրի բաժինը։ 1990 թ. ընդունվել է Ստեփանակերտի մանկավարժական ինստիտուտի պատմության և օտար լեզվի բաժինը, իսկ 1996 թ. ավարտել է Արցախի պետական համալսարանը։

Աշխատանքային առաջին քայլերը[խմբագրել]

1988 թ. աշխատել է ԼՂԻՄ պատանի բնասերների մարզային կայանում՝ որպես բնապահպանության խմբակի ղեկավար։ 1989 թ. աշխատել է Ստեփանակերտի գազի շահագործման գրասենյակում՝ որպես քարտուղար։ 1996 թ. «Վիտա» 1-ին կարգի հաշմանդամների կազմակերպությունում աշխատել է որպես մշակութամասսայական միջոցառումների կազմակերպիչ և թարգմանչուհի։

Քաղաքացիական, քաղաքական պաշտոններ[խմբագրել]

1998 թ. ԼՂՀ մշակույթի, երիտասարդության հարցերի և սպորտի նախարարությունում աշխատել է որպես երիտասարդության հարցերի վարչության գլխավոր մասնագետ։ 2002 թ. ԼՂՀ կառավարության հոկտեմբերի 16-ի «ԼՂՀ կրթության և գիտության նախարարության լուծարման և ԼՂՀ կրթության, մշակույթի և սպորտի նախարարության ստեղծման մասին» թիվ 239 որոշման համաձայն նշանակվել է ԼՂՀ կրթության, մշակույթի և սպորտի նախարարի օգնական։ 2004 թ. նշանակվել է նույն նախարարության ընդհանուր բաժնի վարիչի պաշտոնում, իսկ 2005 թ. տեղափոխվել է և նշանակվել նախարարի օգնականի պաշտոնում։ 2007 թ. ԼՂՀ կառավարության հոկտեմբերի 9-ի թիվ 255 որոշման համաձայն նշանակվել և առ այսօր աշխատում է ԼՂՀ մշակույթի և երիտասարդության հարցերի նախարարի տեղակալի պաշտոնում։ Համակարգում է երիտասարդական քաղաքականությունը։ 2011 թ. ղեկավարում է ԼՂՀ վարչապետի կից կրոնի հարցերով խորհրդի աշխատանքները։

Ընտանիքը[խմբագրել]

Ամուսնացած է, ունի 3 երեխա։

Արտաքին հղում[խմբագրել]