Գագիկ Հովունց

Վիքիպեդիայից՝ ազատ հանրագիտարանից

Գագիկ Գեդեոնի Հովունց (Գագիկ Հովհաննիսյան)՝ կոմպոզիտոր, ՀՀ արվեստի վաստակավոր գործիչ, պրոֆեսոր:

Կենսագրություն[խմբագրել]

Ծնվել է Երեւանում, Ավարտել է Երևանի կոմիտասի անվան պետական կոնսերվատորիան՝ Գրիգոր Եղիազարյանի դասարանում: Կոմպոզիտորի ստեղծագործական նախասիրությունները հետևողականորեն կապված են եղել գործիքային երաժշտության ժանրերին: Սիմֆոնիկ երաժշտության բնագավառում նշանակալից են՝ երեք ինվենցիոն ցիկլերը սիմֆոնիկ նվագախմբի համար,կոնցերտային ինվենցիաները դաշնամուրի և նվագախմբի համար, կոնցերտները թավջութակի և նվագախմբի համար, կոնցերտները ջութակի և նվագախմբի համար, դաշնամուրի և նվագախմբի համար:

Կամերային երաժշտության մեջ լայն ճանաչում են ստացել 30 «Ինվենցիոն պիեսները» նվագախմբային գործիքների համար դաշնամուրի նվագակցությամբ,դաշնամուրային երկու սոնատները, սոնատ-դուետը ջութակի և դաշնամուրի համար, ջութակի և դաշնամուրի սոնատը, դաշնամուրային տրիոն:

Գագիկ Հովունցի ստեղծագործությունները հենվում են իր իսկ ստեղծած լադա-տոնայնական համակարգի վրա: Գ.Հովունցի գործունեության ծանրակշիռ մասն է կազմում մանկավարժական աշխատանքը Երեւանի պետական կոնսերվատորիայում, որտեղ նա շուրջ 50 տարի դասավանդում է հարմոնիա՝ սերնդեսերունդ փոխանցելով իր մասնագիտական փորձն ու հարուստ գիտական ձեռքբերումները:

2013թ. պարգևատրվել է «Հայրենիքին մատուցած ծառայությունների համար» 1-ին աստիճանի մեդալով:

Ստեղծագործությունների ցանկ ըստ ժամանակագրական հերթականության[խմբագրել]

- op.1 (1960) Լարային կվարտետ ...Մոսկվա, 1967

- op.2 (1965) 12 պրելյուդ դաշնամուրի համար երեւան 1967 եւ Երեւան 1985

- op.3 (1968) Ինվենցիաների ցիկլ սիմֆոնիկ նվագախմբի համար No.1 ...Մոսկվա 1977

- op.4 (1969) 10 ինվենցիոն պիես փայտյա-փողային գործիքների եւ դաշնամուրի համար ...երեւան 1974

- op.5 (1970) Ինվենցիոն ցիկլ սիմֆոնիկ նվագախմբի համար No.2 ... Մոսկվա 1977

- op.6 (1971) Ինվենցիաների ցիկլ սիմֆոնիկ նվագախմբի համար No.3 ...Մոսկվա 1977

- op.7 (1972) 10 Ինվենցիոն պիես լարային գործիքների եւ դաշնամուրի համար ...Երեւան 1977

- op.8 (1974) Կոնցերտային ինվենցիաներ դաշնամորի եւ սիմֆոնիկ նվագախմբի համար ... Մոսկվա 1982 Պարտիտուր

- op.9 (1975) 10 ինվենցիոն պիես պղնձյա-փողային գործիքների եւ դաշնամորի համար ... Երեւան 1980

- op.10(1976) «Հնչյունի հարմոնիա» կոնցերտային ինվենցիաներ թավջութակի եւ սիմֆոնիկ նվագախմբի համար ...Մոսկվա 1989 Կլավիր, երեւան 2001 Պարտիտուր

- op.11(1977) Դաշնամուրային սոնատ No.1 ...Երեւան 1985

- op.12(1980) Կոնցերտ ջութակի եւ սիմֆոնիկ նվագախմբի համար ... Մոսկվա 1987 Կլավիր, Երեւան 2000 Պարտիտուր

- op.13(1981) Սոնատ-դուետ ջութակի եւ թավջութակի համար ... Երեւան 1987, Գերմանիա 2004

- op.14(1982) Դաշնամուրային սոնատ No.2 ... երեւան 1985

- op.15(1984) «Կոնտրաստ» Ֆլեյդայի եւ դաշնամուրի համար ... Փարիզ 1986

- op.16(1986) Կոնցերտ դաշնամուրի եւ սիմֆոնիկ նվագախմբի համար ... Երեւան 1999 Կլավիր, Երեւան 2000 պարտիտուր

- op.17(1989) 10 պիես-մոնոքրամ դաշնամուրի համար ... երեւան 1998

- op.18(1992) Սիմֆոնիկ սյուիտ (Խորեոգրաֆիկ պիեսներ) ... երեւան 2000

- op.19(2003) 2 պիես երկու դաշնամորի համար ... երեւան 2003

- op.20(2006) Սոնադ ջութակի եւ դաշնամուրի համար ... 2006

- op.21(2007) Տրիո ջութակի, թավջութակի եւ դաշնամուրի համար ... երեւան 2007

- op.22(2009) «Dolore» պիես թավջութակի եւ դաշնամուրի համար ... Երեւան 2009

- op.23(2010) «Memoirs» պիես ջուֆակի եւ դաշնամուրի համար ... երեւան 2010