Բրիժիտ Բարդո
 |
Այս հոդվածը տեղեկատվական աղբյուրների կարիք ունի։ Դուք կարող եք օգնել նախագծին՝ գտնելով բերված տեղեկությունների հաստատումը վստահելի աղբյուրներում և ավելացնելով այդ աղբյուրներին հղումները հոդվածին։ Անհիմն հղումները ենթակա են հեռացման։ |
Բրիժիտ Բարդո (ֆրանսերեն՝ Brigitte Anne-Marie Bardot, bʁiʒit baʁdo, ծնվ. սեպտեմբերի 28, 1934 թ.), ֆրանսիացի կինոդերասանուհի և ֆոտոմոդել:
Առաջին անգամ նկարահանվել է ֆիլմում 1952 թ.: Միջազգային ճանաչում է ստացել «Եվ Աստվածը ստեղծեց կնոջը» ֆիլմի շնորհիվ (1956թ.): 1950-ական թթ. նա Եվրոպայում համարվում էր «սեքս-խորհրդանիշ», ինչպես Մերիլին Մոնրոն ԱՄՆ-ում: Շոու-բիզնեսում իր 21-ամյա կարիերայի ընթացքում նկարահանվել է 48 ֆիլմերում, ձայնագրել է 80 երգ, հանդես է եկել տարբեր երաժշտական շոուներում: 1973թ. ավարտելով իր կինոկարիերան` սկսել է ակտիվ աշխատանք տանել կենդանիների պաշտպանության բնագավառում: 1990-ական թթ. սկսած բազմիցս հանդես է եկել Ֆրանսիայում ներգաղթյալների ավելացման և իսլամի տարածման դեմ, արվամոլության և միջռասայական խառնամուսնությունների քննադատությամբ, ինչի պատճառով հինգ անգամ դատապարտվել է «ազգամիջյան թշնամանքի հրահրման» համար:
