Բրետ Հարթ
| Բրետ Հարթ Bret Hart |
|
 Բրետ Հարթը, 2010թ. |
|
| Ռինգային անուն(ներ) | Բադի Հարթ Բրետ Հարթ Բրետտ Հարթ |
|---|---|
| Ընդհանուր տեղեկություններ | |
| Հայտարարվող քաշ | 106 կգ |
| Հայտարարվող հասակ | 1.85 մ |
| Ծննդյան թվական | հուլիսի 2, 1957 |
| Ծննդավայր |  Կալգարի, Ալբերտա, Կանադա |
| Ապրելավայր | Կալգարի, Ալբերտա, Կանադա |
| Մարզիչ | Ստյու Հարթ Կտսուջի Ադաչի Կազուո Սակուռադա Հառլի Ռեյս Երկաթյա շեյխ |
| Դեբյուտ | 1976թ. |
Բրետ Սերջընթ Հարթ (անգլ.` Bret Sergeant Hart, ծնվ.` հուլիսի 2, 1957թ., Կալգարի, Ալբերտա, Կանադա), կանադացի հեռուստատեսային դեմք, գրող, դերասան և նախկին պրոֆեսիոնալ ըմբշամարտիկ: Ինչպես Հարթերի ընտանիքի այլ ներկայացուցիչներ, Բրետ Հարթը նույնպես զբաղվել է հունահռոմեական և ազատ ոճի ըմբշամարտով: Ռինգում հայտնի իր «Հիթմեն» այցեքարտային մականունով` Հարթը հայտնի էր նաև յուրահատուկ տեխնիկական ոճով և արագությամբ, ինչի համար նրան կոչում էին «Պատժման գերազանցություն» (The Excellence of Execution), «լավագույնը, որ եղել է, կա և երբևէ կլինի» (The Best There Is, The Best There Was, and The Best There Ever Will Be):
Կարիերան [խմբագրել]
Հարթն ունեցել է հաջող կարիերա WWF-ում` 1984-1997 թվականներին: Հարթի մասնակցությամբ մի շարք մենամարտեր դասվում են բոլոր ժամանակների ամենադիտարժան ռեստլինգ-հանդիպումների շարքին: Առավել հայտնի ռինգային հակառակորդերից են համարվել Պարոն կատարյալը, Բրիտանացի բուլդոգը, կրտսեր եղբայր Օուեն Հարթը, Սթոուն Քոլդ Սթիվ Օսթինը և Շոն Մայքլզը:
Հարթը հեռանում է WWF-ից 1997 թվականի «Survivor Series» փեյ փեր վյու իրադարձությունից հետո, որը պետք տեղի ունենար Կանադայի Մոնրեալ քաղաքում: Շոուի գլխավոր իրադարձությունը իր և Շոն Մայքլզի մենամարտն էր, որը պետք ավարտվեր Հարթի հաղթանակով, քանի որ վերջինս հրաժարվել էր հայրենի Կանադայում Մայքլզին պարտվելու սցենարից: Մարտի ավարտին Մայքլզը ռինգի վրա հորիզոնական դիրքով պառկած Հարթի վրա կատարում է իր իսկ սեփական հանձնվեցնելու հնարքը (շարփշութեր), իսկ այդ պահին ռինգի մոտ գտնվող Վինս Մաքմահոնը հրահանգում է մրցավար Էրլ Հեբներին դադարեցնել մենամարտը և արձանագրել Մայքլզի հաղթանակը, չնայած այն հանգամանքին, որ Հարթը չէր հանձնվել: Այս ոչ սցենարային պատահարը հետագայում ստանում է մոնրեալյան բանսարկություն (Montreal Screwjob) անվանումը: Բանսարկությունից հետո Հարթը հեռանում է WWF-ից և պայմանագիր կնքում WWF-ի այն ժամանակվա հակառակորդ WCW-ի (World Championship Wrestling) հետ:
Հարթը թոշակի է անցնում պրոֆեսիոնալ կարիերայից 2000 թվականին` գլխի ծանր վնասվածք ստանալուց հետո: Մեծ դժվարություններից հետո ապաքինվելով վնասվածքներից, Հարթը սկսում է դերեր ստանալ թատրոնում, ինչպես նաև դառնում է «The Calgary Sun» շաբաթաթերթի թղթակիցը (մինչև 2004 թվականը):
2005 թվականին Հարթն առաջադրվում է WWE-ի փառքի սրահ:
 |
Սա Պրոֆեսիոնալ ըմբշամարտիկի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
