Բիֆլյացիա
Բիֆլյացիա (երբեմն՝ միքսֆլյացիա), տնտեսական իրավիճակ, որի ժամանակ ինֆլյացիայի և դեֆլյացիայի գործընթացները տեղի են ունենում միաժամանակ[1]։ Այս եզրույթը առաջին անգամ առաջարկվել է Օսբորն Բրաունի (անգլ.՝ F. Osborne Brown)՝ Phoenix Investment Group–ի ավագ ֆինանսական վերլուծաբանի կողմից[2]։ Բիֆլյացիայի ժամանակ տեղի է ունենում գների միաժամանակյա աճ (ինֆլյացիա) բորսային ապրանքների համար, որոնք գնվում են հիմնական եկամտի շրջանակներում (աշխատավարձի), և զուգահեռաբար գները անկում են ապրում (դեֆլյացիա) այն ապրանքների համար, որոնք գնվում են վարկով[3]։
Բիֆլյացիայի ժամանակ դրամական թողարկումը կենտրոնական բանկերի կողմից աճում է դրամական զանգվածի ծավալի չափով։ Դա բերում է առավել կարևոր ապրանքների գնի աճին (սնունդ, էներգիա, հագուստ), որովհետև այդ ապրանքների գումարային պահանջարկը հարաբերականորեն կայուն է[4]։ Մյուս կողմից, տեղի է ունենում գործազրկության աճ և բնակչության սպառման կարողության անկում։ Դրա հետ կապված՝ բնակչությունը հիմնականում գնում է առավել կարևոր ապրանքները, իսկ ձեռք բերվող ակտիվների վարկերի պահանջարկը (տներ, շքեղ մեքենաներ և այլ տիպիկ «վարկային» ապրանքներ) անկում է ապրում։ Արդյունքում դրանց գինը նույնպես ընկնում է։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Urban Survival Inside Report #62, December 29, 2002
- ↑ Dallas Economic Summit, 2003. «Inflation or Deflation. Why Choose?»
- ↑ «Biflation or Stagflation? It Could Be Both» (անգլերեն). Արխիվացված օրիգինալից 2012 թ․ հուլիսի 23-ին. Վերցված է 2015 թ․ փետրվարի 28-ին.
- ↑ Malliaris, A. G. (2006). «US inflation and commodity prices: Analytical and empirical issues». Journal of Macroeconomics. 28 (1): 267–271. doi:10.1016/j.jmacro.2005.10.020.