Բերտրան դը Բորն

Բերտրան դը Բորն. Ֆրանսիայի ազգային գրադարան

Բերտրան դը Բորն (ֆրանսերեն` Bertran de Born, 1140 - 1215), տրուբադուր, միջնդարյան պրովասալական քնարերգության խոշոր ներկայացուցիչ:

Բերտրան դը Բորնի պոեզիան

Բերտրան դը Բորնը` մարտաշունչ այդ ֆեոդալը, իր հոգևոր բերկրանքը քաղել է պատերազմից, որը փառաբանել է իր երգերում:

Բերտրան դը Բորնը հայտնի է հատկապես իր սերվենտներով (քաղաքական երգ): Ի դեպ, Դանթեն նրան դրվատել է որպես տաղանդավոր պոետի, պատերազմի երգչի, որի ստեղծագործության մեջ նուրբ և վերամբարձ զգացմունքը համատեղված է ասպետական կոպիտ ուժի և սրի իդեալին:

Ահա մի հատված դը Բորնի հայտնի ողբից, որ գրված է «Ջահել արքա» կոչված անգլիացի Ջեֆրի արքայազնի եղերական մահվան առթիվ.

Մեր տկար դարում ցավ ու տխրություն

Սերն անցավ, չկա կենսուրախ ոգին,

Եվ մարդիկ մանր ու կեղծավոր դարձան,

Միշտ նոր վտանգ է կախվում մեր գլխին:

Կտրվեց կյանքը ջահել Արքայի.

Նա անզուգական քաջ էր փառավոր,

Եվ աշխարհն այժմ ողբ է ու մոլոր

Եվ դարձել է ծով անհուն վշտերի:

(Թարգմ. Հենրիկ Բախչինյան)

Տես նաև`

• Տրուբադուր