Բենվենուտո Չելինի

Վիքիպեդիայից՝ ազատ հանրագիտարանից
Բենվենուտո Չելինի
Firenze.Cellini01.jpg
Բենվենուտո Չելինի
Ծնվել է 1500 թ., նոյեմբերի 3 (1500-11-03)
Ծննդավայր Ֆլորենցիա
Մահացել է փետրվարի 13, 1571 (70 տարեկան)
Վախճանի վայր Ֆլորենցիա
Ազգություն իտալացի
Գործունեություն նկարչություն,
քանդակագործություն,
ոսկերչություն
Բենվենուտո Չելինի


Բենվենուտո Չելլինի (իտալ.՝ Benvenuto Cellini; 1500 թ., նոյեմբերի 3 (1500-11-03), Ֆլորենցիա - փետրվարի 13, 1571 (70 տարեկան), Ֆլորենցիա), , իտալացի քանդակագործ, ոսկերիչ, գրող, գեղանկարիչ, ռազմիկ և երաժիշտ։։ Սովորել է ոսկերիչ Բանդինելլիի մոտ, կրել Միքելանջելոյի ազդեցությունը։ Աշխատել է Ֆլորենցիայում, Պիզայում, Բոլոնիայում, Վենետիկում, Հռոմում (1532—40), Փարիզում, Ֆոնտենբլոյում՝ Ֆրանցիսկ I-ի պալատում (1540—1545)։ Մաներիզմի նշանավոր ներկայացուցիչ: Չելլինի իր քանդակագործական և ոսկերչական նրբակերտ գործերում պատկերել է բարդ շարժումներով, չափազանց վերձիգ մարմիններ («Խաչելություն», մարմար, 1562, էսկորիալի եկեղեցի, Իսպանիա, Ֆրանցիսկ I թագավորի աղամանը, ոսկի, արծն, թանկարժեք քարեր, 1539—43, Պատմագեղարվեստական թանգարան, Վիեննա), լուծել բացարձակ բոլորաքանդակի խնդիրներ («Պերսևս», բրոնզ, 1545—54, Լոջիա, դեի Լանցի, Ֆլորենցիա)։ Չելլինին, որպես գրողի համաշխարհային ճանաչում է բերել «Ֆլորենտացի մաեստրո Զովաննի Չելլինիի որդի Բենվենուտոյի կյանքը գրված իր կողմից Ֆլորենցիայում» գիրքը(1728, հայ․ հրտ․ 1974)։ Գիրքը թելադրել է ինքը 1558-1565 թվականների միջև, մնացել է անավարտ։ Դա ինքնակենսագրական վեպ է, աչքի է ընկնում պատումի անմիջականությամբ, գրական ոճի ավանդական նորմերի արհամարհումով։ Հանդես է եկել նաև որպես արվեստի տեսաբան («Երկու տրակտատ ոսկերչական արվեստի ու քանդակագործության մասին», 1568)։

Չելլինիի աշխատանքներից մեկը:

Գրականություն[խմբագրել]

  • Дживелегов А․ К․, Очерки итальянского Возрождения, Кастильоне, Аретино, Челлини, М․, 1929;
  • Виппер Б․ Р․, Бенвенуто Челлини, в его кн․։ Статьи об искусстве, [М․, 1970]․
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png