Բենջամին Ֆրանկլին

Վիքիպեդիայից՝ ազատ հանրագիտարանից
Բենջամին Ֆրանկլին
Benjamin Franklin by Jean-Baptiste Greuze.jpg
ԱԱՀ՝ Բենջամին Ֆրանկլին
Բնագիր
ԱԱՀ՝
Benjamin Franklin
Ծննդյան օր՝ 1706 թ., հունվարի 17 (1706-01-17)
Ծննդավայր՝ Բոստոն, Նոր Անգլիա
Վախճանի օր՝ ապրիլի 17, 1790 (84 տարեկան)
Վախճանի վայր՝ Ֆիլադելֆիա, ԱՄՆ
Մասնագիտություն՝ Գիտնական, լրագրող,
հրատարակիչ, քաղաքական գործիչ
Ամուսին՝ Դեբորա Ռիդ
Ծնողներ՝ Հայրը՝ Ջոզայա Ֆրանկլին,
մայրը՝ Աբիա Ֆոլգեր
Ստորագրություն՝ Benjamin Franklin Signature.svg

Բե՛նջամին Ֆրա՛նկլին (անգլ.՝ Benjamin Franklin, 1706 թ. հունվարի 17 - 1790 թ. ապրիլի 17), քաղաքական գործիչ, դիվանագետ, գիտնական, գյուտարար, լրագրող, հրատարակիչ, մասոն[1]։ ԱՄՆ անկախության պատերազմի առաջնորդներից մեկն է։ ԱՄՆ Պետական Մեծ Կնիքի դիզայնի հեղինակներից է։ Առաջին ամերիկացին է, ով դարձել է Ռուսաստանի գիտությունների ակադեմիայի օտարերկրացի անդամ։

Բենջամին Ֆրանկլինը միակն է «հիմնարար հայրերից», ով դրել է իր ստորագրությունը բոլոր երեք կարևորագույն պատմական փաստաթղթերում, որոնք ընկած են ԱՄՆ՝ որպես անկախ պետության ձևավորման հիմքում՝ ԱՄՆ անկախության հռչակագիր, ԱՄՆ Սահմանադրություն և Փարիզյան երկրորդ հաշտության պայմանագիր (1783 թ.), որով պաշտոնապես ավարտվեց Հյուսիսային Ամերիկայում 13 բրիտանական գաղութների՝ Մեծ Բրիտանիայից անկախության համար պատերազմը։ Բենջամին Ֆրանկլինի դիմանկարը պատկերված է ԱՄՆ Դաշնային պահուստների համակարգի 100 դոլարանոց թղթադրամի վրա 1914 թվականից։

Կենսագրությունը[խմբագրել]

Բենջամին Ֆրանկլինը ծնվել է 1706 թ. ի հունվարի 7 ին Բոստոնում։ 15 րդ երեխան էր ընտանիքում (ընդհանուր 17 երեխա)։ Հայրը Անգլիայից գաղթած արհեստավոր Ջոզայն Ֆրանկլինն էր, ով զբաղվում էր օճառի և մոմերի պատրաստմամբ։ Ուսում ստացել է ինքնուրույն։ Հայրը շատ էր ցանկանում, որ Ֆրանկլինը դպրոց հաճախի, սակայն գումարը բավականեցրեց միայն երկու տարվա համար։ 12 տարեկանից նա սկսում է աշխատել իր եղբոր` Ջեյմսի տպագրատանը որպես աշակերտ, իսկ տպագրությունը նրա հիմնական մասնագիտությունն էր երկար տարիների ընթացքում։ 1727 թ. Ֆինլանդիայում ստեղծում է սեփական տպագրատունը։ Հրատարակել է (1729-1748) «Փենսիլվանյան ամսագիր», 1732-1758 թթ. «Թշվառ Ռիչարդի օրագիրը» տարեգիրքը։

1728 թ. Բենջամին Ֆրանկլինը հիմնում է Ֆիլադելֆիական արհեստավորների և առևտրականների բանավեճի խմբակ, որը 1743 թ. վերածվել է ամերիկյան փիլիսոփայության կենտրոնի, որի անդամները 1770-ից մինչև 1860-ը ընտրվել են 24 ռուս գիտնականներ, այդ թվում Տ.Ի. ֆոն Կլինգշտետ (1773), Ե.Ռ. Դաշկովա (1789), Պ.Ս. Պալլաս (1791), Ֆ.Պ. Ադելունգ (1818), Ի.Ֆ. Կռուզենշտեռն (1824), Վ.Յ. Ստռուվե (1853)։

1731 թ. ստեղծել է Ամերիկայում առաջին հասարակական գրադարանը, 1743 ին` ամերիկյան փիլիսոփայության կենտրոնը, 1751 ին` Ֆիլադելֆիայի ակադեմիան, որը հիմքն է Փենսիլվանիայի համալսարանի։ 1737 ից 1753 թ.ին եղել է Փենսիլվանիայի փոստապետը, 1753-1774 թթ. զբաղեցրել է նույն պաշտոնը բոլոր հյուսիսամերիկյան գաղութների մասշտաբով։ 1776 թ. մեկնել է Ֆրանսիա՝ որպես դեսպան՝ Անգլիայի և Ֆրանսիայի միջև համաձայնագրի կնքման նպատակով։ Բազմաթիվ երկրների ակադեմիաների անդամ է ընտրվել, այդ թվում և Ռուսաստանի գիտությունների ակադեմիա (1789 թ. Սանկտ Պետերբուրգի ակադեմիայի, առաջին ամերիկացի անդամ)։ Նա մասոն էր և մտնում էր ամենամեծ մասոնական «ինը քույր» խմբակի մեջ։ Ամերիկյան սահմանադրության հիմնադիրներից մեկն է (1787 թ.)։ «Ժամանակը ոսկի է» արտահայտության հեղինակը («Խորհուրդներ երիտասարդ առևտրականին», 1748 թ.)։ Ֆրանկլինը մահացել է 1790 թ. ի ապրիլի 17 ին։ Ֆիլադելֆիայում նրա թաղմանը ներկա է գտնվել շուրջ 20 հազար մարդ։

Ֆրանկլինը մշակույթում[խմբագրել]

Քանդակագործություն[խմբագրել]

Գեղանկարչություն[խմբագրել]

Ֆիլատելիա[խմբագրել]

Դրամագիտության մեջ[խմբագրել]

1914 թվականից Բենջամին Ֆրանկլինին պատկերել են ԱՄՆ հարյուր դոլարանոց բոլոր թղթադրամների վրա։

Ծանոթագրություններ[խմբագրել]

  1. Benjamin Franklin, freemasonry.bcy.ca