Բացբիներ կամ ծովաթուշեր (վրաց.՝ ბაცბები, წოვათუშები), չեչեններին և ինգուշներին բարեկամ փոքր ժողովուրդ։ Թիվը կազմում է 2.5 հազար մարդ (2009)։
Պատմականորեն բնակվում էին Վրաստանի հյուսիսարևելյան լեռնային շրջաններում՝ Թուշեթում։ Այժմ բացբիների մեծամասնությունը ապրում է Ախմետա քաղաքի շրջակայքում գտնվող Զեմո Ալվան գյուղում։
Ենթադրաբար, բացբիները 16-րդ դարում Արմխի գետի ավազանում Ջեյրախյան կիրճում գտնվող Էրզի աուլից տեղափոխված ինգուշների սերունդն են։ Ժողովրդական պատմվածքներով, բացբիները եկել են Վաբուա տարածաշրջանից (Լեռնային Ինգուշիա)։