Բակուր Բ Պարթև
Բակուր Բ Պարթև, Պարթևաստանի արքա Արշակունի հարստությունից: Իշխանության տարիները մոտ 78 առ 105 թթ.: Վոնոն Բ որդին և Վաղարշ Ա եղբայրը: Նախքան Պարթևական տերության գահը բարձրանալը իշխում էր Մարաստանում: Վաղարշի մահից հետո ապստամբել է վերջինիս որդու` Վաղարշ Բ դեմ (78–80թթ.), ջախջախել և ահընկեց է արել նրան:
Ըստ Ամմիանուս Մարցելինուսի ընդարձակել է Տիզբոնը` կառուցելով նոր պարիսպներ:
Մ.թ. 101թ. դեսպանություն է ուղարկել Չինաստան, ինչի մասին հիշատակում է պահպանվել չինական տարեգրություններում, որտեղ Պարթիան անվանվում է Անքսի թագավորություն:
Բազմաթիվ դրամների վրա դրոշմել է նաև իր անձնական անունը` Բակուր Արշակ (ոչ թե միայն Արշակ, ինչպես Պարթևական արքաների սովորությունն էր)` իրեն գահի այլ հավակնորդնրից տարբերակելու նպատակով:
Բակուրը մահացել է շուրջ 105թ.: Նրանից հետո գահը ժառանգել է նրա եղբայր` Խոսրով Ա-ն:
