Բադմինտոն

1804-ի բրիտանական ամսագրի ձևավորում

Փետրագնդակ կամ Բադմինթոն (անգլերեն` Badminton), մարզախաղ, որն առաջացել է Հին Մալալայում։

Պատմությունը

Առաջացել է անգլիական հերցոգ Բոֆորտի նախաձեռնությամբ։ 1872-ին Բոֆորտը Հնդկաստանից իր Բադմինթոն կալվածքը բերեց գնդաթիեր և փետրավոր գնդակ, ուր առաջին անգամ ցուցադրեցին այդ խաղը, որն իր հերթին առաջացել է հնդկական «Պունե» խաղից։

Բադմինթոնը Հայաստանում

Հայաստանում բադմինթոնը սկսել է տարածվել 1960-ից։

Կանոնները

Մրցումները անց են կացվում 13,40 մետր երկարության և 5,20 մ լայնություն ունեցող խաղադաշտում, որը երկու կիսադաշտի է բաժանվում 155 սմ բարձրություն ունեցող ցանցով։ Մրցակիցները ձգտում են իրենց ձեռքում բռնած գնդաթիերով փետրագնդակին հարվածելով, այն ցանցի վրայով ուղարկել մրցակցի կիսադաշտը։ Մեկ մրցամասի հաղթող է ճանաչվում այն մարզիկը, որին հաջողվում է փետրագնդակը մրցակցի կիսադաշտում իջեցնել 15 անգամ, իսկ կանայք և խառը զույգերը` 11 անգամ։ 10-10 հաշվի դեպքում խաղամասը ավարտվում է 12-ից, 11-11-ի դեպքում` 13-ից և այսպես շարունակ։ Պաշտոնական մրցումներ անց են կացվում անհատների, զույգերի և խառը զույգերի միջև։ Հաղթող են այն մարզիկները և զույգերը, որոնք առաջինն են շահում երեք մրցամասերում։