Աֆրիկան Կրիշտոֆովիչ

Վիքիպեդիայից՝ ազատ հանրագիտարանից

Կրիշտոֆովիչ Աֆրիկան Նիկոլայի (8 նոյեմբերի, 1885, Կրիշտոպովկա (այժմ՝ Խարկովի մարզում, Ուկրաինա) — 8 նոյեմբերի, 1953, Լենինգրադ), խորհրդային հնէաբուսաբան։ ԽՍՀՄ ԳԱ թղթակից անդամ (1953), Ուկրաինական ԽՍՀ ԳԱ ակադեմիկոս (1945)։ Ավարտել է Օդեսայի Նովոռոսիյսկյան համալսարանը (19081914-ից աշխատել է Երկրաբանական կոմիտեում, 1917—24-ին՝ Վլադիվոստոկում, 1924-ից՝ Կենտրոնական երկրաբանահետախուզական ԳՀԻ-ում, իսկ հետագայում՝ ԽՍՀՄ ԳԱ բուսաբանության ինստիտուտում։ Դասավանդել է Սանկտ Պետերբուրգի մի շարք բուհերում։ Կրիշտոֆովիչը խորհրդային հնէաբուսաբանների դպրոցի հիմնադիրներից է։ Կարևոր աշխատությունները նվիրված են ԽՍՀՄ-ի և Արևելյան Ասիայի մեզոզոյի ու երրորդականի ֆլորային, այդ հասակի կոնտինենտալ նստվածքների շերտագրությանը և այլն։ ԽՍՀՄ պետական մրցանակի դափնեկիր է (1946)։ Պարգևատրվել է Լենինի շքանշանով։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png