Արտավան

Անվան այլ կիրառումների համար տե՛ս՝ Արտավան (այլ կիրառումներ)

Արտավան (նախկինում՝ Ագխաչ^[3]), գյուղ Հայաստանի Վայոց ձորի մարզում^[4]։ Արտավան գյուղը գտնվում է Արփա գետի ձախակողմյան վտակ Արտավան գետակի ակունքի շրջանում, ծովի մակերևույթից 1880 մ բարձրության վրա, մարզկենտրոնից 32 կմ հարավ-արևելքում է։

Գյուղը նախկինում կրել է Ագխաչ անվանումը և ընդգրկված է եղել Երևանի նահանգի Շարուր-Դարալագյազի գավառում։ Ըստ Ղևոնդ Ալիշանի գյուղը նախկինում եղել է Մեծ Հայքի Սյունիք աշխարհի Ճահճուկ գավառի Աղբերախաչ գյուղը^[3]։

Բնակչություն[խմբագրել | խմբագրել կոդը]

Բնակիչների նախնիները 1828-1830 թթ. գաղթել են Խոյից և Սալմաստից։

Արտավանի ազգաբնակչության փոփոխությունը.^[5]

Տարի	1897	1926	1939	1959	1979	2001	2004	2011
Բնակիչ	433	380	460	588	336	379	395	321^[1]

Բնակչությունը զբաղվում է անասնապահությամբ, ծխախոտի և հացահատիկի մշակությամբ, պտղաբուծությամբ և մեղվաբուծությամբ։

Պահպանվել են XVII-XIX դդ. եկեղեցիներ, XIII-XIV դդ. և XIX դարի մատուռներ, խաչքարեր (XI-XV դդ., XVII-XVIII դդ.)։

↑ ^1,0 ^1,1 2011 թ Հայաստանի մարդահամարի արդյունքները
↑ «Հայաստանի մարզերի կոդերը» (PDF). Արխիվացված է օրիգինալից (PDF) 2015 թ․ մարտի 18-ին. Վերցված է 2015 թ․ փետրվարի 17-ին.
↑ ^3,0 ^3,1 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Դ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 23 — 1008 էջ։
↑ Վայոց մարզի մարդահամար, 2008 (անգլ.)
↑ «Հայաստանի հանրապետության բնակավայրերի բառարան, էջ 38» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 26-ին.

Արտավան բնակավայրը «GEOnet Names Server» կայքում։
Kiesling, Brady (2005), Rediscovering Armenia: Guide, Yerevan, Armenia: Matit Graphic Design Studio
Brady Kiesling, Rediscovering Armenia, p. 128, available online at the website of the Internet Archive:

Վիքիպահեստն ունի նյութեր, որոնք վերաբերում են «Արտավան» հոդվածին։