Արշակ Սադոյան

Վիքիպեդիայից՝ ազատ հանրագիտարանից

Արշակ Ավետիսի Սադոյան , ՀՀ քաղաքական գործիչ։ ՀՀ Ազգային ժողովի 1-3 գումարումների պատգամավոր։

Ծնվել է 1940 թվականի փետրվարի 22-ին Երևանում։

1957-1960թթ. սովորել է Երևանի պոլիտեխնիկական ինստիտուտում։ 1965 թ. ավարտել է Երևանի պետական համալսարանը։ Մաթեմատիկոս։ 1968-1970 թթ. սովորել է Մոսկվայի պետական համալսարանի ասպիրանտուրայում։

Աշխատանքային գործունեությունը[խմբագրել]

  • 1965-1967թթ. Երևանի կենտրոնական գիտահետազոտական ղեկավարման համակարգերի լաբորատորիայում մաթեմատիկական մոդելավորման բաժնի վարիչ,
  • 1967-1968 թթ.՝ պետպլանի տնտեսագիտության ինստիտուտի մոդելավորման բաժնի ավագ տնտեսագետ։
  • 1970-1990 թթ. ԵՊՀ-ում աշխատել է ավագ դասախոս, գիտաշխատող։
  • 2011 թվականի մարտից՝ «Ազգային համագործակցություն» հիմնադրամի տնօրեն։

Քաղաքական գործունեությունը[խմբագրել]

  • 1990-1995թթ.՝ ԳԽ պատգամավոր (թիվ 62 ընտրատարածք)։
  • 1992 թվականից՝ ԳԽ տեղական ինքնակառավարման հարցերի մշտական հանձնաժողովի նախագահ։ «Ազգային ժողովրդավարներ» պատգամավորական խմբի անդամ։
  • 1990-1995 թթ.՝ ԳԽ սահմանադրական հանձնաժողովի անդամ։
  • 1995-1999թթ.՝ ԱԺ պատգամավոր (թիվ 11 ընտրատարածք)։ ԱԺ սոցիալական, առողջապահության և բնության պահպանության հարցերի մշտական հանձնաժողովի անդամ։ ԱԺՄ խմբակցության անդամ։
  • 1999-2003թթ.` ԱԺ պատգամավոր (թիվ 13 ընտրատարածք): ԱԺ պետական-իրավական հարցերի մշտական հանձնաժողովի անդամ: ԱԺՄ խմբակցության անդամ, ապա խմբակցություններում և պատգամավորական խմբերում չի ընդգրկվել:
  • 2003թ. մայիսի 25-ին ԱԺ պատգամավոր է ընտրվել «Արդարություն» դաշինքի համամասնական ընտրացուցակով։ ԱԺ պետական-իրավական հարցերի մշտական հանձնաժողովի անդամ։ «Արդարություն» խմբակցության անդամ։
  • 2001թ. հիմնել և ղեկավարում է ԱԺԴ կուսակցությունը։

Հասարակական գործունեությունը[խմբագրել]

  • 2009 թվականի մարտին ընտրվել է ՀՀ Հանրային խորհրդի ձեռնարկատիրության և սպառողների շահերի պաշտպանության հանձնաժողովի նախագահ։ ՀՀ Հանրային խորհրդի անդամ է։

Ամուսնացած է,ունիերկուերեխա։