Արշակ Մամիկոնյան
- Վիքիպեդիայում կան հոդվածներ Մամիկոնյան ազգանունով այլ մարդկանց մասին։
 | |
|---|---|
| Ծնվել է | դեկտեմբերի 18 (30), 1872[1] |
| Ծննդավայր | Թիֆլիս, Կովկասի փոխարքայություն, Ռուսական կայսրություն[1] |
| Մահացել է | նոյեմբերի 2, 1937[1] (64 տարեկան) |
| Մահվան վայր | Թբիլիսի, Վրացական ԽՍՀ, ԽՍՀՄ[1] |
| Կրթություն | Լազարյան ճեմարան (1887)[1] |
| Ազգություն | հայ |
| Մասնագիտություն | դերասան |
| Պարգևներ և մրցանակներ |  |
Արշակ Սարգսի Մամիկոնյան (դեկտեմբերի 18 (30), 1872[1], Թիֆլիս, Կովկասի փոխարքայություն, Ռուսական կայսրություն[1] - նոյեմբերի 2, 1937[1], Թբիլիսի, Վրացական ԽՍՀ, ԽՍՀՄ[1]), հայ դերասան։ ՀԽՍՀ վաստակավոր արտիստ (1928)։
Կենսագրություն[խմբագրել | խմբագրել կոդը]
Արշակ Մամիկոնյանը ծնվել է Թիֆլիսում, ավարտել է Մոսկվայի Լազարյան ճեմարանը։ 1886-1887 թվականներին, երբ Պետրոս Ադամյանն ու Ստեփան Սաֆրազյանը հանդես են գալիս Մոսկվայում, Արշակը մասնակցում է նրանց ներկայացումներին։
1890 թվականին, ավարտելով Մոսկվայի Լազարյան ճեմարանի արևելյան լեզուների բաժինը, Արշակ Մամիկոնյանը վերադառնում է Թիֆլիս, ընդունվում Հայոց դրամատիկական թատրոնի խումբ[2]։ Շուրջ տասը տարի խաղացել է նաև Ի. Փիթոևի ռուսական թատրոնում։ 1921-1923 թվականներին եղել է Երևանի Առաջին պետթատրոնի դերասան և հիմնադիրներից մեկը։ 1929 թվականից աշխատել է Թբիլիսիի Պետրոս Ադամյանի անվան հայկական դրամատիկական թատրոնում` որպես դերասան։ Հանդես է եկել կոմիկական դերերով, որոնք աչքի են ընկել վարակիչ հումորով և կերպարի գունագեղությամբ[3]։
Խաղացած դերերը թատրոնում[խմբագրել | խմբագրել կոդը]
- Բարթոլո՝ «Սևիլյան սափրիչ»
- Զեմլյանիկա՝ «Ռևիզոր»
- Սոլոմոն՝ «Քին»
- Լուկա՝ «Հատակում»
- Պոլոնիուս՝ «Համլետ»
- Կակուլի՝ «Պեպո»
- Ոսկան՝ «Չար ոգի»
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Հայ սովետական թատրոնի պատմություն. Երևան: ՀՍՍՀ Գիտությունների Ակադեմիայի Հրատարակչություն. 1967.
- ↑ «Ով ով է։ Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007, էջ 25։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 192)։ 
|