Արձան քրմապետ (ծննդյան թվ. անհայտ - 301 թ.), հայ քրմապետ 3-րդ դարի վերջում և 4-րդ դարի սկիզբում։ Ըստ պատմիչ Զենոբ Գլակի, Տարոն գավառի քրմական ուժերը (6946 մարդ) քրմապետ Արձանի և նրա որդի Դեմետրի առաջնորդությամբ, Մեծ Հայքումքրիստոնեությունը պետական կրոն հռչակելու ժամանակ երկու անգամ ճակատամարտել են կենտրոնական իշխանության զորքերի դեմ՝ Աշտիշատի գլխավոր մեհյանը պահպանելու համար։ Տրդատ Գ Մեծ (Տրդատ Պահլավ) թագավորը ու Գրիգոր Ա Լուսավորիչը (Սուրեն Պահլավ) արյունալի պատերազմով կործանել են մեհյանը և տեղը հիմնել եկեղեցի։ Արձանը սպանվել է Անգեղտան իշխանի հետ մենամարտում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 85)։
