Արկադի Անդրեասյան

Վիքիպեդիայից՝ ազատ հանրագիտարանից
Արկադի Անդրեասյանը ԽՍՀՄ հավաքականի մարզաշապիկով

Արկադի Անդրեասյան (1947, օգոստոսի 11, Բաքու), Հայ ֆուտբոլիստ (կիսապաշտպան), մարզիչ, միջազգային կարգի սպորտի վարպետ։

Արկադի Անդրեասյանը բարձրակարգ տեխնիկայի տեր, տակտիկական ճկուն մտածողությամբ և նուրբ դիտողականությամբ ֆուտբոլիստ է, խաբսի և փոխանցման վարպետ, խաղի հմուտ կազմակերպիչ, դիպուկ հարվածող։ Լավագույներից մեկը հայկական ֆուտբոլում։

Կարիերան[խմբագրել]

1969-78 թթ. Երևանի «Արարատի» կազմում հանդես է եկել ԽՍՀՄ առաջնության բարձրագուն խմբում։ Անցկացրել է 242 խաղ, խփել 61 գոլ։ Օլիմպիական խաղերի բրոնզե մեդալակիր (1972), 1973 թ. ԽՍՀՄ չեմպիոն, 1971 և 1976 (գարնանային) թթ. առաջնությունների արծաթե մեդալակիր, 1973 և 1975 թթ. ԽՍՀՄ գավաթակիր։

1972-75 թթ. ԽՍՀՄ գլխավոր հավաքականի անդամ, մասնակցել է 12 խաղի, խփել 1 գոլ։

1969-72 թթ. հանդես է եկել ԽՍՀՄ օլիմպիական հավաքականում, մասնակցել է 10 խաղի, խփել 4 գոլ։

ԽՍՀՄ 1976 թ. գարնանային առաջնության լավագույն ռմբարկու (8 գոլ)։

Մրցելույթներն ավարտելով՝ որպես գլխավոր մարզիչ աշխատել է Աբովյանի «Կոտայքում» (1979-81), Երևանի «Արարատում» (1982-83 և 1986-89, թիմի լավագույն արդյունքը՝ 5-րդ տեղ), Հոկտեմբերյանի «Սպարտակում» (1984-85) և ՀՀ առաջնության մասնակից Էջմիածնի «Զվարթնոցում» (1992-93)։ Աշխատել է նաև Լիբանանում, այնուհետև գլխավորել է Երևանի «Արարատը» (1996-2003)[1], «Միկան»։


Աղբյուրներ[խմբագրել]

  1. (2005) Ֆուտբոլի հանրագիտարան։ Երևան: «Գևորգ-Հրայր» ՍՊԸ, էջ 8։