Արծվամագիլ

Վիքիպեդիայից՝ ազատ հանրագիտարանից
Արծվամագիլ
Արծվամագիլ սովորական
Արծվամագիլ սովորական
Գիտական դասակարգում
Թագավորություն Բույսեր
Բաժին Ծածկասերմեր
Դաս Էուդիկոտներ
Կարգ Հրանունկածաղկավորներ
Ընտանիք Հրանունկազգիներ
Ցեղ Արծվամագիլ
Լատիներեն անվանում
Aquilegia

Արծվամագիլ, ջրընկալ, ջրահավաք, արծվակտուց (լատ.՝ Aquilegia), հրանունկազգիների (գորտնուկազգիների) ընտանիքին պատկանող բույսերի ցեղ։ Բազմամյա խոտաբույսեր են, տերևները բարդ, եռակի փետրաբաժան են, խոր կտրտված, կապտականաչավուն։ Ցողունի բարձրությունը 30-60 սմ է։ Ծաղիկները միաթերթ են կամ բազմաթերթ, մեկական, խոշոր,բաժակաթերթերը 5-ն են՝ կապտավուն, հազվադեպ՝ վարդագույն, պսակաթերթիկները՝ սպիտակ նեկտարակիր - պսակաթերթերը՝ 5, ձագարաձև ձգված, որպես նեկտարակիր խթան։ Երբեմն խթաններ չկան։ Առէջները շատ են, վարսանդները՝ 12 – 15։ Պտուղը բազմատերևապտուղ է, կազմված է 5 պարկուկից։

Հայտնի է արծվամագիլի 100 (այլ տվյալներով՝ 120), Հայաստանի Հանրապետությունում՝ 1 տեսակ՝ ջրընկալ օլիմպիական (Aquilegia olympica)։ Տարածված է Լոռու և Տավուշի մարզերի մերձալպյան գոտիներում։ Ծաղկում է հուլիսի երկրորդ կեսից։ Թունավոր է. պարունակում է ալկալոիդներ։ Ծաղիկներն օգտագործվում են ծաղկեփնջերում և ծաղկային ձևավորումներում։

Պատկերասրահ[խմբագրել]

Արտաքին հղումներ[խմբագրել]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png