Արթուր Կիրակոսյան
- Վիքիպեդիայում կան հոդվածներ Կիրակոսյան ազգանունով այլ մարդկանց մասին։
| Արթուր Գրիշայի Կիրակոսյան | |
|---|---|
| Ծնվել է | նոյեմբերի 11, 1961 (62 տարեկան) |
| Ծննդավայր | Լենինական, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Ազգություն | հայ |
| Կրթություն | Գյումրու պետական մանկավարժական ինստիտուտ (1990) և Երևանի պետական գեղարվեստա-թատերական ինստիտուտ (1995) |
| Մասնագիտություն | հաղորդավար, լրագրող |
| Աշխատանք | 1995-ից |
Արթուր Գրիշայի Կիրակոսյան (նոյեմբերի 11, 1961, Լենինական, Հայկական ԽՍՀ, ԽՍՀՄ), հայ հաղորդավար և մեկնաբան։
Կենսագրություն[խմբագրել | խմբագրել կոդը]
Արթուր Կիրակոսյանը ծնվել է 1961 թվականի նոյեմբերի 11-ին Գյումրիում։ 1985-1987 թթ. ծառայել է խորհրդային բանակում։ 1990 թվականին ավարտել է Գյումրու պետական մանկավարժական ինստիտուտը, 1995 թվականին՝ Երևանի պետական գեղարվեստա-թատերական ինստիտուտը։ 2000 թվականին մասնակցել է «ԶԼՄ և ընտրություններ», «Ժողովրդավարական ժուռնալիստիկա և հասարակության», «Հեռուստատեսություն և ընտրություններ` թոք-շոու և բանավեճ» թեմաներով դասընթացների։ 1992-1996 թվականներին եղել է Գյումրու «Շիրակ» հեռուստաընկերության գլխավոր խմբագիրը, 1996-1998 թթ.՝ «Նորք» հեռուստաընկերության լրատվական բաժնի փոխտնօրենը, 1997-1998 թթ՝ Հայաստանի ազգային հեռուստատեսության «Մամուլի տեսություն» հաղորդման հեղինակը և վարողը, 1998-2004 թթ.՝ Գյումրու «Ցայգ» հեռուստաընկերության լրատվական ծրագրի ղեկավար, վարել է «Ամփոփագիր», կիրակնօրյա վերլուծական, «Ժամանակ», «Քաղաք» ծրագրերը։ 1999-2011 թթ. Գյումրու պետական մանկավարժական ինստիտուտում դասավանդել է ժուռնալիստիկա։ 2004-2009 թթ. աշխատել է «Շանթ» հեռուստաընկերությունում՝ որպես լրատվական բաժնի տնօրեն, վարել է «Երկրորդ հայացք» թոք շոուն։ 2009 թվականից աշխատում է «Երկիր Մեդիա» հեռուստաընկերությունում, որտեղ հեղինակում և վարում է «Երկրի հարցը» հաղորդումը և «Երկիրն այսօր» լրատվական ծրագրի մեկնաբանն է[1][2]։
Ընտանիք[խմբագրել | խմբագրել կոդը]
Ամուսնացած է, ունի մեկ աղջիկ, երկու թոռնիկ։
Ծանոթագրություններ[խմբագրել | խմբագրել կոդը]
- ↑ «Արթուր Կիրակոսյանի մասին AV Production կայքում». Արխիվացված է օրիգինալից 2022 թ․ ապրիլի 8-ին. Վերցված է 2018 թ․ փետրվարի 11-ին.
- ↑ Ամենահաճելի զգացողությունը նորից պապիկ դառնալն էր, երբ թոռնիկս էլ իմ անունն է կրում. Արթուր Կիրակոսյան