Արամ Մանուչարյան
- Վիքիպեդիայում կան հոդվածներ Մանուչարյան ազգանունով այլ մարդկանց մասին։
| Արամ Մանուչարյան | |
|---|---|
| Ծնվել է | մայիսի 3, 1893[1] |
| Ծննդավայր | Իգդիր, Երևանի նահանգ, Ռուսական կայսրություն[1] |
| Մահացել է | 1937[1] |
| Մասնագիտություն | կուսակցական աշխատող և պետական աշխատող |
| Կուսակցություն | ԽՄԿԿ[1] |
Արամ Վահանի Մանուչարյան (մայիսի 3, 1893[1], Իգդիր, Երևանի նահանգ, Ռուսական կայսրություն[1] - 1937[1]), խորհրդային կուսակցական և պետական աշխատող, Հայաստանում խորհրդային ռեժիմի հաստատման աջակից, ԽՄԿԿ անդամ (1917)։
Սկզբնական կրթությունն ստացել է Իգդիրի քաղաքային դպրոցում։ 1914 թվականին ուսման նպատակով մեկնել է Ռումինիա։ Առաջին համաշխարհային պատերազմի (1914-1918) տարիներին քարոզչություն է տարել ռուսական բանակում, մասնավորապես հայ զինվորների մեջ։ 1918 թվականին վերադարձել է Հայաստան, պրոպագանդիստական ու կազմակերպչական աշխատանք տարել տարբեր վայրերում։ 1920 թվականին ընտրվել է ՌՍԴԲ (բ) կ Երևանի կոմիտեի անդամ, մասնակցել է Մայիսյան ապստամբությանը, որի ջախջախումից հետո ձերբակալվել է։ Բանտում եղել է կուսակցական ընդհատակյա բջջի անդամ։ Ռուսական 11-րդ կարմիր բանակի կողմից Հայաստանը գրավելուց և երկրում խորհրդային կարգերի հաստատումից հետո[2] աշխատել է առողջապահության, հողագործության, կապի բնագավառներում և Հայկոմկուսի Կենտկոմի ապարատում։ 1936-1937 թվականներին եղել է Անդրֆեդերացիայի կապի ժողկոմատի հայկական գրասենյակի լիազորը։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 256)։ 
|