Աղաբաբյան դպրոց
| Աղաբաբյան դպրոց | |
|---|---|
| Տեսակ | դպրոց |
| Հիմնադրված է | 1810[1] |
| Լուծարված է | 1950[1] |
| Հիմնադրիր | Նիկողայոս Աղաբաբյան[1] |
| Երկիր |  Ռուսական կայսրություն |
| Տեղագրություն | Աստրախան[1] |
Աստրախանի Աղաբաբյան դպրոց, բացվել է 1810 թվականին աստրախանաբնակ վաճառական Նիկողայոս Աղաբաբյանի և նրա մահացած եղբայրների միջոցներով։ 1821 թվականից դպրոցը հանձնվել է ժողովրդական կրթության նախարարության տնօրինությանը՝ գավառային ուսումնարանի իրավունքներով։ Տարբեր տարիների սովորողների թիվը եղել է 50 - 150։ 1917 թվականի օգոստոսին ժամանակավոր կառավարության որոշումով Աղաբաբյան դպրոցը վերափոխվել է Աղաբաբյան գիմնազիայի (միջնակարգ ուսումնական հաստատության ծրագրով), խորհրդային իշխանության հաստատումից հետո ՝ II աստիճանի սովորական դպրոցի։ Երկար ժամանակ հայերը կազմել են աշակերտների հիմնական մասը, իսկ հայոց լեզու դասավանդվել է մինչև 1930-ական թվականները։ Դասավանդել են Ս. Պատկանյանը, Հարություն Ալամդարյանը։ Դպրոցի գրքերի տպագրությանը մասնակցել է Հարություն Շմավոնյանը։ Աղաբաբյան դպրոցը փակվել է 1950-ական թվականներին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 238)։ 
|
| Այս հոդվածի կամ նրա բաժնի որոշակի հատված վերցված է Քրիստոնյա Հայաստան հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո:
|