Աստերոիդների դաս M

Աստերոիդների դաս M, աստերոիդների քանակով երրորդ խոշորագույն դասն է, այս դասի ներկայացուցիչները համեմատաբար վատ են ուսումնասիված: Հայտնի է միայն, որ նրանք ունեն չափավոր մեծ ալբեդո (0,1 — 0,2) և իրենց կազմության մեջ պարունակում են մետաղներ: Նրանցից որոշները, սակայն ոչ բոլորը, կազմված են նիկելից և երկաթից, աննշան քարերի հավելումներով: Հավանաբար, այս աստերոիդները հանդիսանում են ավելի խոշոր աստերոիդների՝ պլանետեզեմալների, մետաղական միջուկների մնացորդներ, որոնք ավերվել են փոխադարձ ընդհարումների հետևանքով Արեգակնային համակարգի ձևավորման նախնական շրջանում: Հնարավոր է, որ հենց դրանք էլ հանդիսանում են մետաղական աստղաքարերի առաջացման աղբյուրը:

Կան նաև այնպիսի աստերոիդներ, որոնք մտնում են այս դասի մեջ, սակայն նրանց կազմվածքը գործնականորեն անհայտ է: Այսպիսի աստերոիդներից է, օրինակ՝ (22) Կալիոպեն: Ճշգրիտ հայտնի է, որ նրա խտությունը չափազանց ցածր է պինդ մետաղական մարմնի համար: Որպեսզի նման խտության դեպքում այն կազմված լիներ երկաթից և նիկելից, նրա ծակոտկենությունը պետք է հասներ 70 %, որը հակասում է այսօրվա աստերոիդների ծագման պատկերացումներին: (21) Լուտեցիա և (22) Կալիոպե աստերոիդները իրենց սպեկտրերում ունեն այնպիսի առանձնահատկություններ, որոնք ցույց են տալիս հիդրատացված մետաղների և սիլիկատների հնարավոր առկայությունը: Նրանք ունեն անոմալ ցածր ալբեդո մետաղական մակերևույթ ունեցող մարմինների համար, և բացի այդ, որոշ առանձնահատկություններով նրանք ավելի մոտ են ածխածնային աստերոիդներին քան մետաղականներին: Այս դասում առկա են ևս մի քանի մարմիններ, որոնք իրենց տվյալներով չեն համընկնում մետաղական աստերոիդների դասի հետ:

Այս դասի խոշորագույն աստերոիդն է (16) Փսիքեն:

Տես նաև

• Աստերոիդների ընտանիքներ
• Աստերոիդների արդյունաբերական օգտագործում
• Աստերոիդների սպեկտրալ դասեր
• Աստերոիդների ցանկ
• Աստերոիդների գոտի

Արտաքին հղումներ

• Աստերոիդների տեսակներ
• A Low-Density M-type Asteroid in the Main Belt
• The nature of M-class asteroids from 3-micron observations
• UBV photometry of the M-type asteroids 16 Psyche and 22 Kalliope
• Radar constraints on asteroid regolith compositions using 433 Eros as ground truth
• Phase II of the Small Main-Belt Asteroid Spectroscopic Survey
• Radar constraints on asteroid regolith properties using 433 Eros as ground truth
• The Nature of M-Class Asteroids from 3-μm Observations