Աշոտ Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Աշոտ Համբարձումյան | |
---|---|
Ծնվել է | հոկտեմբերի 29, 1955 (68 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Կրթություն | Փանոս Թերլեմեզյանի անվան գեղարվեստական ուսումնարան (1978) և Երևանի պետական գեղարվեստա-թատերական ինստիտուտ (1984) |
Մասնագիտություն | նկարիչ |
Ամուսին | Լալա Մնացականյան |
Աշոտ Հովհաննեսի Համբարձումյան (հոկտեմբերի 29, 1955, Երևան, Հայկական ԽՍՀ, ԽՍՀՄ), հայ գեղանկարիչ, բեմանկարիչ, ՀՀ վաստակավոր նկարիչ (2013)[1]։
ՀՀ վաստակավոր արտիստ Լալա Մնացականյանի ամուսինն է։
Կենսագրություն[խմբագրել | խմբագրել կոդը]
1978 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1984 թվականին՝ Երևանի Գեղարվեստի պետական ակադեմիայի գեղանկարի բաժինը։ 1985-1995 թվականներին աշխատել է ՀՀ մշակույթի նախարարության փորձարարական կոմբինատում՝ որպես գլխավոր նկարիչ, 1980-2002 թվականներին` Հայաստանի հանրային հեռուստաընկերությունում` որպես բեմադրող նկարիչ, 1982-1994 թվականներին` Գեղագիտության ազգային կենտրոնում։ 1998 թվականից դասավանդում է Երևանի Խաչատուր Աբովյանի անվան պետական մանկավարժական համալսարանի մշակույթի բաժնում, 2013 թվականից` դոցենտ։ 2004 թվականից Երևանի Մհեր Մկրտչյանի անվան արտիստական թատրոնի գլխավոր նկարիչն է։ Ստեղծագործական գործուղումներով եղել է Ռումինիայում, Հարավսլավիայում, Սիրիայում, Լիբանանում, Իրանում, Գերմանիայում, Մոսկվայում։ 1984 թվականից ցուցադրվում է հանրապետական ցուցահանդեսներում[2]։
Ստեղծագործական ուղի[խմբագրել | խմբագրել կոդը]
Եղել է «Էրեբունի-Երևան», «Քրիստոնյա Հայաստան-1700», «Ավարայր-1550», «Մեկ ազգ, մեկ մշակույթ», «Համահայկական խաղեր», «Հայոց գրեր-1600» և բազմաթիվ այլ տոնախմբությունների բեմադրող նկարիչը։ Ավելի քան 40 ազգային տարազների, զինանշանների հեղինակ է։
Հեռուստատեսային ներկայացում[խմբագրել | խմբագրել կոդը]
- «Սինյոր Պապագատտո»
- «Հովնան Խութեցի»
- «Սպենսեր Դոնովանի գործը»
- «Մուսա լեռան 40 օրը»
- «Զաբուղոն»
- «Ինկած բերդի իշխանուհին»
Թատերական գործեր[խմբագրել | խմբագրել կոդը]
- «Կարմեն» բալետ
- «Լիլիթ» փոփ օպերա
- «Ֆիլումենա Մարտուրանո»
- «Դիոգենես»
- «Հացթուխի կինը»
Ծանոթագրություններ[խմբագրել | խմբագրել կոդը]
- ↑ Հայաստանի Հանրապետության պատվավոր կոչումներ շնորհելու մասին
- ↑ «Աշոտ Համբարձումյանի կենսագրությունը AV Production կայքում». Արխիվացված է օրիգինալից 2022 թ․ օգոստոսի 18-ին. Վերցված է 2018 թ․ փետրվարի 12-ին.
Արտաքին հղումներ[խմբագրել | խմբագրել կոդը]
- Հոկտեմբերի 29 ծնունդներ
- 1955 ծնունդներ
- Ապրող անձինք
- Երևան քաղաքում ծնվածներ
- Փանոս Թերլեմեզյանի անվան գեղարվեստի պետական քոլեջի շրջանավարտներ
- Երևանի պետական գեղարվեստաթատերական ինստիտուտի շրջանավարտներ
- Անձինք այբբենական կարգով
- Նկարիչներ այբբենական կարգով
- Հայ նկարիչներ
- ՀՀ վաստակավոր նկարիչներ
- Հայ գեղանկարիչներ
- Հայ բեմանկարիչներ