Անտուան Անրի Բեքերել

Վիքիպեդիայից՝ ազատ հանրագիտարանից
Անտուան Անրի Բեքերել
Antoine Henri Becquerel
Henri Becquerel.jpg
(ֆիզիկոս)
Անունը Անտուան Անրի Բեքերել
Բնօրինակ
անունը
Antoine Henri Becquerel
Ծնվել է դեկտեմբերի 15, 1852
Ծննդավայր Փարիզ (Ֆրանսիա)
Մահացել է օգոստոսի 25, 1908
Մահվան վայր Փարիզ (Ֆրանսիա)

Անտուան Անրի Բեքերել (ֆր.` Antoine Henri Becquerel, ծնվ. 1852 թ. դեկտեմբերի 15-ին Փարիզում, - մահ. 1908 թ. օգոստոսի 25-ին Փարիզում), ֆրանսիացի ֆիզիկոս։

Անտուան Անրի Բեքերելը հայտնագործել է ռադիոակտիվության երևույթը։ Բեքերելը 1874 թ. ավարտել է Փարիզի Պոլիտեխնիկական դպրոցը, իսկ 1876 թ. դասավանդել է նույն դպրոցում։ 1892 թ. նա դարձել է Փարիզի բնագիտապատմական թանգարանի, 1895 թ.՝ Պոլիտեխնիկական դպրոցի պրոֆեսոր, 1908 թ. ընտրվել է Փարիզի գիտությունների ակադեմիայի նախագահ։ Անրի Բեքերելն զբաղվել է օպտիկայի, էլեկտրականության, մագնիսականության, լուսաքիմիայի, էլեկտրաքիմիայի և օդերևութաբանության զանազան հարցերի ուսումնասիրությամբ։ 1896 թ. հետազոտելով լուսարձակող տարբեր նյութերի ազդեցությունը լուսանկարչական թղթի վրա, հայտնագործել է ռադիոակտիվության երևույթը, որի համար 1903 թ. արժանացել է Նոբելյան Մրցանակի։ Նա ուսումնասիրել է նաև ռադիոակտիվ ճառագայթման ֆիզիոլոգիական ազդեցությունը։

Միավորների միջազգային համակարգում Բեքերելի անունով է կոչվել Ռադիոակտիվության միավորը (Բք)։

1 Բք այն ռադիոակտիվությունն է, երբ 1 վայրկյանում տեղի է ունենում ռադիոակտիվ տրոհման 1 գործողություն [1Բք= վ-1]

Աղբյուրներ[խմբագրել]

  • Դպրոցական մեծ հանրագիտարան։ Գիրք 1, հատոր 1։ Երևան 2008, էջ 156