Անտոն Գամպուրյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Գամպուրյան ազգանունով այլ մարդկանց մասին։
Անտոն Գամպուրյան
Ծնվել է1886
ԾննդավայրԿ. Պոլիս
Մահացել էանհայտ
Ազգությունհայ
ԿրթությունԼիոնի բժշկա­կան հա­մալ­սա­րա­ն
Մասնագիտությունբժիշկ
Կոչումհա­րյու­րա­պե­տ
Պաշտոնզին­վո­րա­կան բժշկա­պետ

Անտոն Գամպուրյան (1886, Կ. Պոլիս - ?), հայ բժիշկ։

Կենսագրություն[խմբագրել | խմբագրել կոդը]

Ծնվել է 1886 թվականին Կոստանդնուպոլսի Գաղատիա (Կալկաթա) թաղամասում։ Ավարտել է Գաղատիա թաղամասի ֆրանսիական, Կադըգյուղ թաղամասի Մխիթարյան և Վենետիկի Մուրատ-Ռափայելյան վարժարանները։ Ավարտել է Ֆրանսիայի Լիոն քաղաքի բժշկական համալսարանը։ Վերադարձել է Կ. Պոլիս։

1914-18 թվականներին՝ Առաջին համաշխարհային պատերազմի ժամանակ զորակոչվել է օսմանյան բանակ և զինվորական բժշկապետ ծառայել՝ հարյուրապետի աստիճանով։ Պատերազմի ընթացքում գերի է ընկել անգլիացիների ձեռքը և 13 ամիս Եգիպտոսում անցկացրել բանտարկության մեջ։ 1918 թվականին՝ պատերազմն ավարտվելուց հետո, վերադարձել է Թուրքիա և նշանակվել Կ. Պոլսի կաթոլիկ հայերի Սբ. Հակոբ հիվանդանոցի բժշկապետ։ 1922 թվականին տեղափոխվել է Հունգարիա և հաստատվել Բուդապեշտ մայրաքաղաքում։ 1938 թվականին նրա բնակության հասցեն էր՝ Graf Tisaza utca 12, Budapest (Hongrie)։

Աղբյուրներ[խմբագրել | խմբագրել կոդը]

  • Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։

Գրականություն[խմբագրել | խմբագրել կոդը]

  • Պոտուրեան Մկրտիչ, Հայ հանրագիտակ, Պուքրէշ, 1938։