Անսելմ Քենթրբերցի

Անսելմ Քենթրբերցի (լատիներեն՝ Anselmus Cantuariensis, Իտալիայում հայտնի որպես Անսելմ Աոսթայից, իտալերեն՝ Anselmo d'Aosta, ֆրանսերեն՝ Anselme d'Aoste, Anselme du Bec կամ Anselme de Cantorbéry) (1033 թ., Աոսթա, Իտալիա — 1109 թ. ապրիլի 21, Քենթրբերի), միջնադարյան կաթոլիկ աստվածաբան, սքոլաստիկական ուղղության հիմնադիրներից մեկը, փիլիսոփա, Քենթերբերիի արքեպիսկոպոս (1093-ից):

Հայտնի է քրիստոնեության ինտելեկտուալ հիմքերի իր խիստ պաշտպանությամբ: Փորձում էր ապացուցել Աստծո գոյությունը գոյաբանական փաստարկների միջոցով, որը ձևակերպել է «Proslogion» ուսումնասիրության մեջ (1077-1078 թթ.):

1494 թ. կաթոլիկ եկեղեցու կողմից դասվել է սրբերի շարքը: Դանթեն իր «Աստվածային կատակերգությունում», նրան հիշատակում է «Դրախտ» բաժնում: