Անջելո Սկոլա

Անջելո Սկոլա
Angelo Scola
Վենետիկի պատրիարք
Ստանձնեց պաշտոնը՝	հունվարի 5, 2002
Լքեց պաշտոնը՝	---
Այլ տիտղոսներ՝	Կարդինալ
Նախորդող՝	Մարկո Չե
Հաջորդող՝	---
Ծննդյան օր՝	նոյեմբերի 7, 1941
Ծննդավայր՝	Մալգրատե, Լոմբարդիա, Իտալիա
Հայր՝	Կարլո Սկոլա
Մայր՝	Ռեջինա Կոլոմբո

Անջելո Սկոլա (իտալ.՝ Angelo Scola) (ծ. նոյեմբերի 7, 1941, Մալգրատե, Իտալիա), Կաթոլիկ եկեղեցու ականավոր գործիչ, փիլիսոփա, աստվածաբան, կարդինալ, Վենետիկի պատրիարք։

Կենսագրություն

Ծնվել է Լոմբարդիայի մի փոքրիկ քաղաքում՝ Մալգրատեում, վարորդի ընտանիքում։ Կրոնական կրթությունը ստացել է Միլանի հոգևորական համալսարանում, որտեղից ստացել է քրիստոնեական փիլիսոփայության դոկտորի աստիճան։ 1970 թ. ձեռնադրվում է քահանա Իտալիայի Տերամո քաղաքում, իսկ 1991-ին Հովհաննես Պողոս II պապի կողմից նշանակվում է Գրոսսետոյի եպիսկոպոս։

Եպիսկոպոսություն և պատրիարքություն

Որպես Գրոսսետոյի եպիսկոպոս, հիմնական ուշադրությունը դարձնում էր երեխաների և երիտասարդության կրթության հարցերին, ընտանիքի խնդիրներին։ Մի շարք աշխատությունների հեղինակ է։

2002թ. հունվարի 5-ին նշանակվում է Վենետիկի պատրիարք, իսկ 2003-ի հոկտեմբերի 21-ին՝ նաև կարդինալ։ Մասնակցել է 2005 թվականի կոնկլավում, որի հետևանքով Հռոմի պապ ընտրվեց Բենեդիկտոս XVI-ը։ Բավական ազդեցություն ունի կաթոլիկ եկեղեցու ներքին գործերի վրա և որոշ մասնագետների կարծիքով, Անջելո Սկոլան հաջորդ պապը դառնալու մեծ հավանականություն ունի։

Նախորդող Մարկո Չե

Վենետիկի Պատրիարք Անջելո Սկոլա 2002 -

Հաջորդող ---