Անդրեաս Տեր-Մարուքյան
Անդրեաս Մարուքի Տեր-Մարուքյան (1871, Երևան - 1919, Փարիզ) - հայ քանդակագործ։
Բովանդակություն |
[խմբագրել] Կենսագրություն
Ծնվել է Երևանում։ Մինչև 1890 թվականը սովորել տեղի արական գիմնազիայում։ 1892- 1894 թվականներին սովորել է Մոսկվայի Գեղանկարչության, քանդակագործության և ճարտարապետության ուսումնարանում։ 1894 թվականին տեղափողվել է Սանկտ Պռտերբուրգ, ապա Փարիզ, որտեղ էլ ընդունվել է Կերպարվեստի բարձրագույն պետական դպրոց (Ա. Ֆալգիերիի դասարան) և սովորել չորս տարի։[1]
[խմբագրել] Ստեղծագործական կյանք
1899 թվականին Փարիզում ցուցադրվել է Տեր-Մարուքյանի «Հայ գրողների դափնեպսակ նվիրաբերող մուսան» կոմպոզիցիոն քանդակը։ Գիպսե քանդակի պատվանդանին Խաչատուր Աբովյանի, Ռափայել Պատկանյանի, Մկրտիչ Պեշիկթաշլյանի և Գրիգոր Արծրունու բարձրաքանդակներն էին, իսկ վերևում մուսային մարմնավորող դափնեպսակ կրող կանացի ֆիգուր էր։ Այժմ քանդակի տեղը անհայտ է։[2] Այդ տարիներին ստեղծել է հայ մշակույթային գործիչների և պատվիրատուների կիսանդրիներ և մահարձաններ։ Անդրեաս Տեր-Մարուքյանը ստեղծագործել է նաև ազգային հայրենասիրական թեմայով; Ստեղծել է հայ գեղջուկի և գեղջկուհու դիմաքանդակներ։ Խաչատուր Աբովյանի հուշարձանով, որը այժմ տեղադրված է Քանաքեռում, Մարուքյանը սկիզբ է դրել 20-րդ դարի սկզբի հայ հուշարձանային քանդակագործությանը։
[խմբագրել] Գլխավոր ստեղծագործություններ
- Հայ գրողների դափնեպսակ նվիրաբերող մուսան
- Ռափայել Պատկանյան (Նոր Նախիջևան)
- Նիքայել Նալբանդյան (Նոր Նախիջևան)
- Ղևոնդ Ալիշան
- Ներսես Թաիրյան
- Պետրոս Ադամյան
- Խաչատուր Աբովյան (Քանաքեռ)
- Բոգդան Դոլուխանյան
- Հովանավորություն
- Հայ գեղջուկը
- Հայ գեղջկուհին[1]
[խմբագրել] Արտաքին հղումներ
Տես նաև Երևանի արձաններ
