Անահիտ (մուլտֆիլմ)

Անվան այլ կիրառումների համար տե՛ս՝ Անահիտ (այլ կիրառումներ)

Անահիտ
Տեսակ	մուլտֆիլմ
Ժանր	ընտանեկան ֆիլմ և արկածային ֆիլմ
Հիմնված է	Ղազարոս Աղայանի «Անահիտ» հեքիաթի մոտիվներով
Ռեժիսոր	Դավիթ Սահակյանց Լյուլյա Սահակյանց
Սցենարիստ	Նաիրա Սահակյանց Լյուլյա Սահակյանց Դավիթ Սահակյանց Երկխոսությունների հեղինակներ՝ Վահրամ Սահակյան Լևոն Գալստյան Վարդան Զադոյան
Հնչյունավորում	Նազենի Հովհաննիսյան Խորեն Լևոնյան Ռաֆայել Քոթանջյան Շուշան Պետրոսյան Հրանտ Թոխատյան Դավիթ Բաբայան Մկրտիչ Արզումանյան Վարդան Զադոյան
Պրոդյուսեր	Ռուբեն Ջաղինյան Կարեն Ղազարյան Հայկ Սահակյանց Դավիթ Սահակյանց
Բեմադրող նկարիչ	Էռնեստ Մուրադյան
Երաժշտություն	Արմեն Մարտիրոսյան
Երկիր	Հայաստան
Լեզու	հայերեն
Ընկերություն	«Ռոբերտ Սահակյանց փրոդաքշն»
Տևողություն	90 րոպե
Թվական	դեկտեմբերի 27, 2014
Բյուջե	900 000 $
sahakyants.am/am#characters_page
Տեսահոլովակ

«Անահիտ», հայկական անիմացիոն մուլտֆիլմ, որն էկրան է բարձրացել 2014 թվականի դեկտեմբերի 27-ին։

«Անահիտ» լիամետրաժ երաժշտական անիմացիոն ֆիլմը նկարահանվել է Ղազարոս Աղայանի համանուն հեքիաթի մոտիվներով «Ռոբերտ Սահակյանց փրոդաքշն»-ի կողմից։ Ռեժիսորներն են Դավիթ Սահակյանցը և Լյուլյա Սահակյանցը։ Մուլտֆիլմը ստեղծվել է ավանդական նկարչական մուլտիպլիկացիայի տեխնոլոգիայով և եռաչափ գրաֆիկայի կիրառմամբ։ Ֆիլմը նվիրված էր Ղազարոս Աղայանի ծննդյան 175-ամյակին։

Մուլտֆիլմի կոմպոզիտորն է Արմեն Մարտիրոսյանը։ Բեմադրող նկարիչն է Էռնեստ Մուրադյանը։ Պրոդյուսերական աշխատանքներն իրականցրել է Շարմ Հոլդինգը։ Գլխավոր պրոդյուսեր՝ Ռուբեն Ջաղինյան։

Սյուժե

Պատմություն երկու իրար սիրող երիտասարդ հերոսների՝ հովվի աղջնակ Անահիտի և արքայազն Վաչագանի մասին։ Պահպանվել է հեքիաթի հիմնական լեյտմոտիվը՝ համբերատար ու բանիմաց գեղեցկուհի Անահիտը Վաչագան թագավորին արհեստ գնահատել է սովորեցնում։ Վաչագանը հանուն սիրած աղջկա դառնում է գորգագործ և պարտության մատնում թագավորության չար ուժերին։ Ի վերջո արքան միայն այն մարդը չէ, որը թագավորում է, այլ այն մարդն է, որը արարել ու կառուցել գիտի, ու նաև սիրել։

Մենք ընդամենը նախշ ենք կարպետի, այսօր արքա ես, վաղը՝ ով գիտի...

Հնչյունավորողներ

• Անահիտ - Նազենի Հովհաննիսյան
• Վաչագան - Խորեն Լևոնյան
• Ազար - Ռաֆայել Քոթանջյան
• Շուշան - Շուշան Պետրոսյան
• Սերոբ - Հրանտ Թոխատյան
• Էնվեր - Դավիթ Բաբայան
• Անդոկ - Մկրտիչ Արզումանյան
• Պետրոս, Զանգի - Վարդան Զադոյան

Երգերը կատարում են Շուշան Պետրոսյանը, Ինգա Արշակյանը, Տիգրան Պետրոսյանը, Գոռ Սուջյանը, Նիկ Եգիբյանը, Հասմիկ Կարապետյանը, ինչպես նաև «Ակունք» ազգագրական համույթը։

Արտաքին հղումներ

• Ղազարոս Աղայանի Անահիտ հեքիաթը
• «Անահիտ» մուլտֆիլմը մեծ էկրան կբարձրանա 2014 թ. աշնանը(չաշխատող հղում)
• Շուտով. «Անահիտ» մուլտֆիլմը՝ «Դիսնեյ»-ի չափանիշներով
• Երբ Վաչագան արքայազնին «ստիպում են» ռուսերեն արտասանել ֊ Հրապարակ
• «Անահիտ»-ն անվճար ցուցադրվում է մարզերում, Արցախում և Ջավախքում