Ամինե Ավդալ
| Ամինե Ավդալ | |
|---|---|
 (բանաստեղծ, արձակագիր) |
|
| ԱԱՀ՝ | Ամինե Ավդալ |
| Ծննդյան օր՝ | հոկտեմբերի 16, 1906 |
| Ծննդավայր՝ | Յամանչաիր (Թուրքիա) |
| Վախճանի օր՝ | սեպտեմբերի 22, 1964 |
| Վախճանի վայր՝ | Երևան (Հայաստան) |
Ամինե Ավդալ (1906, հոկտեմբերի 16 - 1964, սեպտեմբերի 22), հայաստանցի քուրդ բանաստեղծ, արձակագիր, բանասիրական գիտությունների թեկնածու, ԽՍՀՄ գրողների միության անդամ 1934-ից։ Ստեղծագործել է և' հայերեն, և' քրդերեն։
Ծնվել է Կարսի մարզի Յամանչաիր գյուղում: 1936-ին ավարտել է Երևանի պետական համալսարանի բանասիրական ֆակուլտետը: 1944-ից որպես ավագ գիտաշխատող աշխատել է ՀՍՍՀ ԳԱ պատմության թանգարանում, ապա պատմության ինստիտուտում: 1944-ին «Քուրդ կինը նահապետական ընտանիքում ըստ ազգագրական և ֆոլկլորային նյութերի» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։
Նրա առաջին պատմվածքը` «Ջասմ և Թոսմ», տպագրվել է 1924-ին, «Կարմիր ծիլեր» ամսագրում (Թիֆլիս)։
1933-ին Երևանում տպագրված «Հայ-քրդերեն» առաջին բառարանի (23.000 բառ) համահեղինակներից է։
Քրդերեն լույս են տեսել նրա «Գարուն» (1935), «Երեք եղբայր» (1957), «Փարիշան» (1969), «Գյուլիզար» (1973) և այլ գրքեր։ Հայերեն լույս է տեսել նրա կազմած «Քրդական ժողովրդական հեքիաթներ» ժողովածուն (Երևան, 1957)։ Մահացել է Երևանում։[1]
Ա. Ամինեի հայերեն երկերի մատենագրություն [խմբագրել]
- Քուրդ կինը նահապետական ընտանիքում, Երևան, 1948:
- Արյան վրիժառությունը քրդերի մեջ և նրա մնացուկների վերացումը սովետական պայմաններում, Երևան, 1952:
- Սովետական Հայաստանի քրդերի նոր կենցաղը, Երևան, 1953:
- Գյուլիզար, Երևան, 1956:
- Անդրկովկասյան քրդերի կենցաղը, 1957:
- Առաջին գարուն, Երևան, 1961:
- Եզդի քրդերի հավատալիքները, Երևան, «Գիտություն», 2006, 192 էջ:
Աղբյուրներ [խմբագրել]
- ↑ (1981) Գրական տեղեկատու։ Երևան: «Սովետական գրող», էջ 27։
