Աղասի Մանուկյան
| Աղասի Մանուկյան | |
|---|---|
 | |
| Ընդհանուր տեղեկություններ | |
| Ծննդյան թվական | 1967 մարտի 27 |
| Ծննդավայր |  Լենինական, Հայկական ԽՍՀ, ԽՍՀՄ |
| Վախճանի թվական | մարտի 19, 2018 (տարիքը 50) |
| Վախճանի վայր | ԱՄՆ |
| Մարզիչ | Արամ Սարգսյան |
| Մեդալները | ||
|---|---|---|
| Տղամարդկանց հունահռոմեական ոճի ըմբշամարտ | ||
Ներկայացնում էր՝  Հայաստան
| ||
| Աշխարհի առաջնություն | ||
| Ոսկի | Ստոկհոլմ 1993 | 57 կգ |
| Եվրոպայի առաջնություն | ||
| Արծաթ | Աթենք 1994 | 62 կգ |
| Արծաթ | Բեզանսոն 1995 | 57 կգ |
| Աշխարհի գավաթի խաղարկություն | ||
| Ոսկի | Աթենք 1988 | 57 կգ |
Աղասի Մանուկյան (մարտի 27, 1967, Լենինական, Հայկական ԽՍՀ, ԽՍՀՄ - մարտի 19, 2018[1], Միչիգան, ԱՄՆ[2]), խորհրդային և հայ հունահռոմեական ոճի ըմբիշ, Եվրոպայի առաջնության կրկնակի արծաթե մեդալակիր (1994, 1995), աշխարհի գավաթակիր (1988), աշխարհի չեմպիոն (1993), ԽՍՀՄ միջազգային կարգի սպորտի վարպետ (1987)։
Կենսագրություն[խմբագրել | խմբագրել կոդը]
Աղասի Մանուկյանը ծնվել է 1967 թվականի մարտի 27-ին[3] Լենինականում։ Ըմբշամարտով սկսել է զբաղվել 1977 թվականից՝ Արամ Սարգսյանի ղեկավարությամբ։ 1987 թվականին հաղթել է Եվրոպայի երիտասարդական առաջնությունում։ 1988 թվականին եղել է ԽՍՀՄ ազգային հավաքականի անդամ և նրա կազմում դարձել Աշխարհի առաջնության գավաթակիր։
Հայաստանի անկախացումից հետո հանդես է եկել Հայաստանի ազգային հավաքականի կազմում։ 1993 թվականին Ստոքհոլմում նվաճել է աշխարհի չեմպիոնի տիտղոսը։ Եզրափակչում հաղթել է ռուս հայտնի ըմբիշ, աշխարհի և Եվրոպայի երկակի չեմպիոն Ալեքսանդր Իգնատենկոյին։ Այդ հաջողության շնորհիվ նա պատմության մեջ մտավ որպես առաջին ըմբիշ և երկրորդ մարզիկը (բռնցքամարտիկ Նշան Մունչյանից հետո), ով, հանդես գալով անկախ Հայաստանի դրոշի ներքո, դարձավ աշխարհի չեմպիոն։
Հետագայում Աղասի Մանուկյանը երկու անգամ դարձել է Եվրոպայի առաջնության մրցանակակիր, մասնակցել Ատլանտայի օլիմպիական խաղերին։ 1996 թվականին ավարտել է իր մարզական կարիերան և սկսել զբաղվել մարզչական գործունեությամբ։ 1998–1999 թվականներին եղել է Հայաստանի երիտասարդական հավաքականի գլխավոր մարզիչ։ 2001–2004 թվականներին աշխատել է Շիրակի մարզի Սպորտկոմիտեում։ 2006 թվականին տեղափոխվել է ԱՄՆ։ 2011 թվականից աշխատել է Մարքեթի (Միչիգան նահանգի) Օլիմպիական կրթական կենտրոնում[4]։
Վախճանվել է ԱՄՆ-ում երկարատև հիվանդությունից հետո, 50 տարեկանում[5]։
Ընտանիք[խմբագրել | խմբագրել կոդը]
- Միքայել Ցոլակի Մանուկյան (ծն. 1964) - եղբայրը, խորհրդային հունահռոմեական ոճի ըմբիշ, աշխարհի և Եվրոպայի (1984) երիտասարդական առաջնության չեմպիոն։
- Սամվել Ցոլակի Մանուկյան (ծն. 1974) - եղբայրը, խորհրդային հունահռոմեական ոճի ըմբիշ, Հայաստանի չեմպիոն, Օլիմպիական խաղերի մասնակից (1996)[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 Ըմբշամարտ. Մահացել է աշխարհի 1993թ.-ի չեմպիոն Աղասի Մանուկյանը (հայ.)
- ↑ 2,0 2,1 https://www.teamusa.org/USA-Wrestling/Features/2018/March/19/Former-NMU-OTS-coach-Aghasi-Manukyan-passed-away
- ↑ Մի շարք աղբյուրներում Աղասի Մանուկյանի ծննդյան օրը սխալմամբ համարվում է փետրվարի 27-ը։
- ↑ Olympian coaches at USOEC(անգլ.)
- ↑ «Ըմբշամարտ. Մահացել է աշխարհի չեմպիոն Աղասի Մանուկյանը». Արխիվացված է օրիգինալից 2018 թ․ մարտի 21-ին. Վերցված է 2018 թ․ մարտի 20-ին.
- ↑ (չաշխատող հղում)(չաշխատող հղում)(չաշխատող հղում)(չաշխատող հղում)(չաշխատող հղում)(չաշխատող հղում)(չաշխատող հղում)(չաշխատող հղում) Սամվել Մանուկյանի պրոֆիլը միասնական ոճի ըմբշամարտի միջազգային ֆեդերացիայի կայքում(անգլ.)
Արտաքին հղումներ[խմբագրել | խմբագրել կոդը]
|
