Ենթարկվում է Վերին Բավարիա վարչական շրջանին։ Մտնում է Ալտյոտինգի շրջանի կազմի մեջ։ Բնակչությունը 12 613 մարդ է (ըստ 2010 թվականիդեկտեմբերի 31-ի)[3]։ Տարածքը 23,38 կմ² է։ Պաշտոնական կոդ՝ 09 1 71 111։
Առաջացել է Կարոլինգների օրոք որպես թագավորական պֆալց։ 876 թվականին միացել է Ալտյոտինյան աբբայությանը։ Ալտյոտինգի ամրոցում է ծնվել Լյուդվիգ IV–ը և մահացել Բավարիայի արքա Կարլոմանը։ Աբբայությունը վերականգնվել է 1228 թվականին՝ Բավարիայից ստանալով նշանակալի արտոնություններ։
Քաղաքացիների եկամուտի գլխավոր աղբյուրը ուխտագնացների մեծ հոսքն էր, որ գնում էին խոնարհվելու «Սև տիրամորը»։
Մինչև օրս տարեկան Ալտյոտինգ է այցելում մոտ 700 000 զբոսաշրջիկ, որոնց մեծ մասը ուխտավորներ են։ Սուրբ Ֆիլիպի և Հակոբի գոթական եկեղեցում պահպանվում է «Ոսկե զամբիկը»՝ ոսկերչական արվեստի յուրահատուկ գլուխգործոցը, որ պատրաստվել է 1404 թվականին փարիզյան վարպետների կողմից Եղիսաբեթ Բավարացու պատվերով։
Անվան այլ կիրառումների համար տե՛ս՝ Ալտյոտինգ (այլ կիրառումներ)
Գերմանիա
