Ալեքսեյ Ագոպյան

Ալեքսեյ Ագոպյան
Ծնվել է	հոկտեմբերի 9, 1960(1960-10-09) (63 տարեկան)
Ծննդավայր	Օդեսա, Ուկրաինական ԽՍՀ, ԽՍՀՄ
Կրթություն	Օդեսայի ազգային պոլիտեխնիկական համալսարան և Սանկտ Պետերբուրգի պետական թատերական արվեստի ակադեմիա
Քաղաքացիություն	ԽՍՀՄ և  Ուկրաինա
Մասնագիտություն	դերասան, կատակերգու, հաղորդավար, երգիծաբան և հեռուստահաղորդավար
Ժանրեր	Հեռուստատեսային կենտրոն և հումոր

Ալեքսեյ Միհրանի Ագոպյան (հոկտեմբերի 9, 1960(1960-10-09), Օդեսա, Ուկրաինական ԽՍՀ, ԽՍՀՄ), հայազգի ուկրաինացի դերասան։ Հայտնի է դարձել «Մասկի շոու» (ռուս.՝ «Маски-шоу») և «Կալամբուր» (ռուս.՝ Каламбур) հեռուստահաղորդումների մասնակցությամբ։

Կենսագրություն

Ծնվել է 1960 թվականի հոկտեմբերի 9-ին Օդեսայում։ Ավարտել է Օդեսայի Պոլիտեխնիկական ինստիտուտը, Սանկտ Պետերբուրգի Թատերական արվեստի պետական ակադեմիան։ Թատերական տարիներից մասնակցել է Ուրախների և հնարամիտների ակումբի խաղերին։

1990 թվականին Յուրի Ստիցկովսկու հետ ստեղծում է «Քաղցր կյանք» ռուս.՝ «Сладкая жизнь» թատերական դուետը, որը գոյատևեց մինչև 1992 թվականը, որից հետո ձուլվեց «Մասկի շոու» կոմիկական խմբին։ «Մասկի շոուի» նկարահանումների ժամանակ ծանոթացավ «Մագազին Ֆու» ռուս.՝ «Магазин „Фу“» եռյակին։ 1995 թվականին «Քաղցր կյանքը» և «Մագազին Ֆուն» միավորվեցին «Full House» խմբում։ Մի քանի հյուրախաղերից հետո որոշեցին ստեղծել իրենց հեռուստաշոուն, որը կոչվեց «Կալամբուր»։ 2001 թվականից, «Կալամբուրի» փակվելուց հետո նկարահանվում է կինոնկարներում և սերիալներում։

Արտաքին հղումներ

• Դերասանների Glory Models բազայում Ալեքսեյ Ագոպյանի պաշտոնական անկետան Արխիվացված 2010-04-18 Wayback Machine