Ալելույա

Վիքիպեդիայից՝ ազատ հանրագիտարանից

Ալելույա (եբր.՝ הַלְלוּיָהּ‎ բառից), հուդայական և քրիստոնեական համատեսքստում օգտագործվող բառ։ Բառացի նշանակում է «Գովաբանեք Յահին (Եհովային)»։ Կազմված է հալելու և Յահ բառերից․ վերջինս Աստծո անվան` Եհովա կրճատ ձևն է։ Օգտագործվում է նաև Հալելույահ ձևը։

Աստվածաշունչ մատյանում[խմբագրել]

Այս արտահայտությունը Աստվածաշնչի եբրայերեն գրություններում (Հին Կտակարան) հանդիպում է 24 անգամ. 1 անգամ Տարեգրությունում (Գիրք Մնացորդաց) և 23 անգամ Սաղմոսներում։ 113-118 (112-117) սաղմոսները կոչվում են նաև հալելներ (օրհներգեր)։

Իսկ Հունարեն գրություններում (Նոր Կտակարան) ալելույա բառը, գրված կոյնե հունարենով, 4 անգամ հանդիպում է Հայտնություն գրքում (19:1,3,4,6)։