Ալբանիայի ազգային պատմական թանգարան

Ալբանիայի ազգային պատմական թանգարան
Տեսակ	ազգային թանգարան, պատմության թանգարան և մշակութային արժեք
Երկիր	Ալբանիա
Տեղագրություն	Տիրանա
Ղեկավարության նստավայր	Տիրանա, Ալբանիա
Հասցե	Սկանդերբեգի հրապարակ
Հիմնադրվել է	1981
Կայք	mhk.gov.al/en/homeen/(անգլ.)

Ալբանիայի ազգային պատմական թանգարան (ալբ․՝ Muzeu Historik Kombëtar), պատմական թանգարան Տիրանայում, Ալբանիա։ Բացվել է 1981 թվականի հոկտեմբերի 28-ին, ունի 27000 քառակուսի մետր տարածք, մինչդեռ ցուցահանդեսների համար հասանելի է 18000 քմ։

Թանգարանի մուտքի վերևում պատկերված է «Ալբանացիները» վերնագրով մեծ որմնանկարային խճանկար, որը պատկերում է Ալբանիայի պատմության հնագույն և ժամանակակից գործիչներին^[1]^[2]։

Պատմություն[խմբագրել | խմբագրել կոդը]

Բացվել է 1981 թվականի հոկտեմբերի 28-ին։ Զբաղեցնում է 27 000 կմ տարածք, որից 18 000 նախատեսված է ցուցադրությունների համար։

Թանգարանը բաղկացած է հետևյալ սրահներից.

Հնագիտության սրահ
Միջին դարերի սրահ
Վերածննդի դարաշրջանի սրահ
Անկախության սրահ
Իկոնոգրաֆիայի սրահ
Հակաֆաշիստական պատերազմի ազգային ազատագրական սրահ
Կոմունիստական ահաբեկչության սրահ
Մայր Թերեզայի սրահ

Հնագիտության սրահ[խմբագրել | խմբագրել կոդը]

Հնագիտության սրահը թանգարանի ամենակարևոր տաղավարներից է՝ 585 նմուշներով։ Ցուցադրությունը սկսվում է ուշ Պալեոլիթ շրջանից և ավարտվում վաղ միջնադարով (IV-VIII դարեր)։ Ցուցադրված են առարկաներ Նեոլիթյան ծաղկուն դարաշրջանից մինչև 4-րդ հազարամյակի կեսերը։

Ցուցադրված են արծաթե և բրոնզե մետաղադրամներ, որոնք հայտնաբերվել են մ.թ.ա IV-IV-րդ դդ.։ Հատկապես տպավորիչ է Ապոլլոն Աստծո հսկայական արձանը։ Հետաքրքրական է «Դուրրասի գեղեցկուհին» խճանկարը (մ.թ.ա IV դար), Արտեմիսի գլուխը (մ.թ.ա III դար), մարդու կրաքարե գլուխը (IV|մ.թ.ա V դար), կարմիր պատկերներով նկարազարդված ծաղկամաններ։

Միջին դարերի սրահ[խմբագրել | խմբագրել կոդը]

Այս սրահում այցելուները կարող են տեսնել Ալբանիայի տնտեսական, սոցիալական, քաղաքական և մշակութային զարգացումները VI-XV դարերում։ Սրահում հատուկ անկյուն է հատկացվել Principality of Arber-ին, Epitaph of Gllavenica-ին (1373)։ Լուսանկարների, փաստաթղթերի միջոցով ցուցադրվում է ալբանացիների դիմադրությունը Օսմանյան կայսրության դեմ։

Վերածննդի դարաշրջանի սրահ[խմբագրել | խմբագրել կոդը]

Վերածննդի դարաշրջանի սրահում առկա են բնօրինակ առարկաներ՝ փաստաթղթեր, գրքեր, լուսանկարներ, ազգային դրոշներ, զենքեր, պարտատոմսեր և այլ մշակութային առարկաներ։ Առարկաների մեծ մասը Ալբանիայի մշակույթի և պատմության ազգային խորհրդանիշներ են։ Սրահում ցուցադրված առարկաները վերագրվում են XIX դարի կեսերից մինչև 1912 թվական։

Անկախության սրահ[խմբագրել | խմբագրել կոդը]

Անկախության սրահում ներկայացված են Անկախության հռաչակագրի պատմական պահերը 1921-1939 թթ.։

Իկոնոգրաֆիայի սրահ[խմբագրել | խմբագրել կոդը]

Ներկայացված են Ալբանիայի հետ բյուզանդական արվեստի շուրջ 70 նմուշներ։

Հակաֆաշիստական պատերազմի ազգային ազատագրական սրան[խմբագրել | խմբագրել կոդը]

Այս սրահում ներկայացված են 220 նմուշներ, որոնք արտացոլում են 1920 թվականից մինչև 1945 թվական Երկրորդ համաշխարհային պատերազմի ավարտ։

Կոմունիստական ահաբեկչության սրահ[խմբագրել | խմբագրել կոդը]

Կոմունիստական ահաբեկչության սրահը բացվել է 2012 թվականին։ Այստեղ ցուցադրված են փաստաթղթեր, լուսանկարներ և առարկաներ, որոնք պատականում են Ալբանիայի 1945-1990 թթ. միակուսակցական համակարգին։

Մայր Թերեզայի սրահ[խմբագրել | խմբագրել կոդը]

Այս սրահը նվիրված է Մայր Թերեզայի ընտանիքին, կյանքին և գործունեությանը։

Ծանոթագրություններ[խմբագրել | խմբագրել կոդը]

↑ Austin, Robert (2005). «Albania». In Frucht, Richard C. (ed.). Eastern Europe: An introduction to the people, lands, and culture. ABC-CLIO. էջեր 720. ISBN 9781576078006.
↑ Sawyer, Andrew (2014). «National Museums in Southeast Europe:(En) countering Balkanism?». International Journal of Politics, Culture, and Society. 27 (1): 115–127. doi:10.1007/s10767-013-9160-9. S2CID 143125054. "In Tirana, Albania’s National History Museum, itself a product of Hoxha’s regime, reaches back to antiquity in a notable mural above the entrance, yet the central figure (a woman) is flanked by a worker and a partisan, making this ultimately a modern moment."