Ալան Ալեքսանդր Միլն

Վիքիպեդիայից՝ ազատ հանրագիտարանից
Picto infobox auteur.png
Ալան Ալեքսանդր Միլն

A a milne.jpg

Ծնվել է Alan Alexander Milne
հունվարի 181882
Մեծ Բրիտանիա Մեծ Բրիտանիա, Լոնդոն, Քիլբյորն
Մահացել է հունվարի 31, 1956 (74 տարեկանում)
Հարթֆիլդ, Սուսսեքս, Մեծ Բրիտանիա
Մասնագիտություն Գրող
Քաղաքացիություն Մեծ Բրիտանիա Մեծ Բրիտանիա
Գրական ոճեր մանկական

Ալան Ալեքսանդր Միլն (անգլ.՝ Alan Alexander Milne) (հունվարի 18, 1882 — հունվարի 31, 1956), անգլիացի գրող, բանաստեղծ։ Վինի Թուխի մասին պատմությունները Միլնն ստեղծել է իր որդու` Քրիստոֆեր Ռոբին Միլնի համար (1920—1996)։ Մինչ Վինի Թուխի մասին գրքի հրատարակությունը Միլնն արդեն բավականին հայտնի դրամատուրգ էր, սակայն Միլնը հայտնի է առաջին հերթին Վինի Թուխի մասին իր ստեղծագործություններով։

Կենսագրություն[խմբագրել]

Ալան Ալեքսանդր Միլնը ծնվել է Լոնդոնում։ Նա սովորել է ոչ մեծ մասնավոր դպրոցում, որի սեփականատերն էր իր հայրը` Ջոն Միլնը (John Vine Milne)։ 1889—1890 թվականներին նրա ուսուցիչներից էր Հերբերտ Ուելսը։ Հետո ընդունվել է Վեստմինստերյան դպրոց, այնուհետև` Քեմբրիջի Տրինիտի քոլեջ, որտեղ 1900-1903 թվականներին ուսումնասիրել է մաթեմատիկա։ Ուսանողական տարիներին նա նյութեր էր գրում ուսանողական «Grant» թերթի համար։ Սովորաբար նա գրում էր եղբոր` Քեննեթի հետ, և նրանք ստորագրում էին ԱՔՄ անունով։ Միլնի հետ սկսեց համագործակցել բրիտանական հումորային «Punch» ամսագիրը։ Հետագայում Միլնն սկսեց աշխատել այնտեղ որպես խմբագրի օգնական։

1913 թվականին Միլնն ամուսնացավ Դորոթի «Դաֆնի» դե Սելինկուրտի հետ։

Միլնը` որպես բրիտանական բանակի սպա, մասնակցել է առաջին համաշխարհային պատերազմին։ Նա աշխատել է բրիտանական հետախուզության քարոզչական ենթակառույցում` MI7։ Ավելի ուշ նա գրել է «ՊԱտվով խաղաղություն» գիրքը, որում քննադատել է պատերազմը։

1920 թվականին ծնվել է Միլնի միակ որդին` Քրիստոֆեր Ռոբին Միլնը։

Արտաքին հղումներ[խմբագրել]