Ազգային լեգեոն կամավորական ջոկատ
Ազգային լեգեոն կամավորական ջոկատ | |
---|---|
Ընդհանուր տեղեկություն | |
Տեսակ | ռազմական կազմավորում |
Երկիր | Հայաստան և Արցախ |
Ստեղծվեց | 1989 |
Ճակատամարտեր | Արցախյան ազատամարտ |
Լուծարվեց | 1994 |
Ազգային լեգեոն, կամավորական ջոկատ։ Կազմավորվել է 1989 թվականին Երևանում մայրաքաղաքի տարբեր դպրոցների 9-10-րդ դասարանի աշակերտներից։ 1992 թվականին ջոկատը համալրվել է Մասիսի և Սիսիանի նույն տարիքի կամավորականներով։ Ունեցել է շտաբ, դրոշ, զինանշան։ Մինչև 1992 թվականի հունվարը «Ազգային լեգեոն»-ը մասնակցել է ուսումնամարզական հավաքների։ 1992 թվականի աշնանը ջոկատի հիմքի վրա կազմավորվել է «Արծիվ-3» կամավորական գումարտակը։ 1992-1994 թվականներին «Ազգային լեգեոն»-ը մասնակցել է ՀՀ Գորիսի (Շուռնուխ, Աղբուլաղ, Կոռնիձոր), Կապանի, Սիսիանի և Արցախի Հանրապետության Ասկերանի, Մարտակերտի (Հոռաթաղ, Չլդրան, Մաղավուզ, Հակոբ Կամարի, Տոնաշեն, Մատաղիս), Կուբաթլուի (Սեյթաս, Մազրա, Վերին Ջիբիքլի, Ներքին Ջիբիքլի), Քաշաթաղի (Ծաղկաբերդ, Կուշչի) շրջանների ինքնապաշտպանական և ազատագրական մարտերին։
Հրամանատարներ՝ Ս․ Հակոբյան, Լ․ Գևորգյան (մարտական հրամանատար), շտաբի պետ՝ Հ․ Գերոյան։ Ջոկատից զոհվել է 4 ազատամարտիկ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ |