Աբիգ Ավագյան
Վիքիպեդիայից՝ ազատ հանրագիտարանից
| Աբիգ Ավագյան | |
|---|---|
 (արձակագիր) |
|
| ԱԱՀ՝ | Աբիգ Ավագյան |
| Ծննդյան օր՝ | սեպտեմբերի 14, 1919 |
| Ծննդավայր՝ | Թեհրան (Իրան) |
| Վախճանի օր՝ | հունվարի 25, 1983 |
| Վախճանի վայր՝ | Երևան (Հայաստան) |
Աբիգ Ավագյան (1919, սեպտեմբերի 14 - 1983, հունվարի 25), հայ արձակագիր, ԽՍՀՄ գրողների միության անդամ 1949-ից։
Ծնվել է Թեհրանում (Իրան)։ Նախնական կրթությունը ստացել է տեղի հայկական, պարսկական, ֆրանսիական դպրոցներում և ամերիկյան քոլեջում։
1939-ին զորակոչվել է բանակ և որպես ռազմական օդաչու ծառայել մինչև 1941-ը։ 1946-ին ներգաղթել է Հայաստան։ 1957-ին ավարտել է ԽՍՀՄ գրողների միության առընթեր գրական բարձրագույն դասընթացները (Մոսկվա)։ 1959-83-ին որպես խորհրդական աշխատել է Հայաստանի գրողների միությունում։
Նրա ստեղծագործությունները թարգմանվել և առանձին գրքով լույս է տեսել ռուսերեն։
Պարգևատրվել է «Պատվո նշան» շքանշանով։ Մահացել է Երևանում։[1]
Ա. Ավագյանի երկերի մատենագրություն [խմբագրել]
- Պատմվածքներ, Երևան, Հայպետհրատ, 1950, 120 էջ։
- Վաղը (վեպ), Երևան, Հայպետհրատ, 1951, 236 էջ։
- Շիկացած հող (վեպ), Երևան, Հայպետհրատ, 1955, 468 էջ։
- Պատմվածքներ, Երևան, Հայպետհրատ, 1958, 158 էջ։
- Նազելի Դալարյան (վեպ), Երևան, Հայպետհրատ, 1959, 268 էջ։
- Բենդ գյուղի վերջին բնակիչը (երկու պատմվածք), Երևան, Հայպետհրատ, 1962, 43 էջ։
- Պատմվածքներ, Երևան, Հայպետհրատ, 1962, 200 էջ։
- Պատմվածքներ, Երևան, «Հայաստան», 1965, 188 էջ։
- Հարավային տենդ, Երևան, «Հայաստան», 1971, 180 էջ։
- Եղել է, չի եղել (պատմվածքներ), Երևան, «Հայաստան», 1973, 100 էջ։
- Հարված (վիպակ և պատմվածքներ), Երևան, «Սովետական գրող», 1978, 408 էջ։
- Մարդը անապատում (պատմվածքներ), Երևան, «Սովետական գրող», 1981, 60 էջ։
- Վերջին հանգրվան (պատմվածքներ, վիպակ), Երևան, «Սովետական գրող», 1982, 584 էջ։
- Հարավային տենդ, (Պատմվածքներ), Երևան, «Հայաստան», 2002, 156 էջ։
Արտաքին հղումներ [խմբագրել]
Աղբյուրներ [խմբագրել]
- ↑ Հայկ Խաչատրյան (1986)։ Գրական տեղեկատու։ Երևան: «Սովետական գրող», էջ 55-56։
